يندۋستريا جانە ينفراقۇرىلىمدىق دامۋ ۆيسە-مينيسترى بەرىك قامالييەۆ اقىلى جولداردا تاريف وسپەيدى دەدى.
نۇر-سۇلتاندا يندۋستريا جانە ينفراقۇرىلىمدىق دامۋ ۆيسە-مينيسترى بەرىك قامالييەۆ پەن «اق جول» پارتياسىنىڭ ءتوراعاسى ازات پەرۋاشيەۆتىڭ كەزدەسۋىمەن وتكەن جيىندا اۆتوجول جانە كولىك سالالارىنىڭ دامۋى ماسەلەلەرى تالقىعا سالىندى، دەپ حابارلايدى Almaty-akshamy.kz ق ر يندۋستريا جانە ينفراقۇرىلىمدىق دامۋ مينيسترلىگىنە سىلتەمەلەپ.
بۇعان دەيىن «اق جولدىڭ» دەپۋتاتتارى تولەم جۇيەسىنىڭ ەنگىزىلۋىنە نارازى ەكەندىكتەرىن ايتقان جۇرگىزۋشىلەر مەن كاسىپكەرلەرگە قولداۋ كورسەتكەن بولاتىن.
ۆيسە-مينيستر بەرىك قامالييەۆ دەپۋتاتتاردىڭ ەسكەرتۋلەرىنە جاۋاپ بەرىپ، كولىك جانە اۆتوموبيل جولدارى سالاسىنداعى قازىرگى احۋالدان حاباردار ەتتى. سونداي-اق، ول اقىلى جولدارمەن ءجۇرۋ تاريفتەرىنىڭ بەس ەسەگە قىمباتتايتىنى جايلى دەپۋتاتتارمەن جاريالانعان اقپارات شىندىققا جاناسپايدى دەپ سەندىردى. تاريفتەر 2013 جىلدان، ياعني «نۇر-سۇلتان-ششۋچينسك» اۆتوجولىنا تولەم جۇيەسى ەنگىزىلگەننەن بەرى، وزگەرىسسىز قالعان: جەڭىل كولىك ءۇشىن - 1 شاقىرىمىنا 1 تەڭگە، جۇك كولىگى ءۇشىن - 1 شاقىرىمىنا 5-تەن 25 تەڭگەگە دەيىن، ياعني جۇك كوتەرگىشتىگىنە بايلانىستى. بۇدان بولەك، ۆيسە-مينيستر ءبىزدىڭ ەلدە تاريفتەر باسقا مەملەكەتتەرمەن سالىستىرعاندا تومەن ەكەنىن باسا ايتتى.
2020 جىلى بارلىق اقىلى 4 ۋچاسكەدەن 5،7 ملرد. تەڭگە ءتۇسىم تۇسكەن. 2021 جىلدىڭ 1 ماۋسىمىنداعى جاعداي بويىنشا، اقىلى ۋچاسكەلەردەن 2،3 ملرد تەڭگە جينالعان. تۇسكەن قاراجاتتىڭ بارلىعى جولداردى كۇتىپ ۇستاۋعا باعىتتالادى.
ايتا كەتەيىك، تولەم الۋ جۇيەسى تەك زاماناۋي قاۋىپسىزدىك تالاپتارى مەن كولىك قۇرالدارىنىڭ جايلى جاعدايلارىنا جاۋاپ بەرەتىن ۋچاسكەلەردە ەنگىزىلۋدە.
ەستەرىڭىزگە سالا كەتەيىك، «نۇرلى جول» مەملەكەتتىك باعدارلاماسىنا سايكەس، اعىمداعى جىلى ءبىرىنشى ساناتتاعى اۆتوموبيل جولدارىنا اقى الۋ جۇيەسىن كەزەڭ-كەزەڭمەن ەنگىزۋ كوزدەلگەن.
كەزدەسۋ بارىسىندا، سونداي-اق، مينيسترلىككە اۆتوجول سالاسىن دامىتۋ جوسپارلارىنا قىزىعۋشىلىق تانىتقان ايماقتىق دەپۋتاتتاردان سۇراقتار ءتۇسىپ جاتتى.
پارتيا دەپۋتاتتارى مينيسترلىككە كەرى بايلانىس پەن قوعامنىڭ پىكىرلەرىنە جەدەل جاۋاپ بەرگەنى ءۇشىن العىستارىن ءبىلدىردى. تاراپتار اۆتوجول جانە كولىك سالالارىن دامىتۋ بويىنشا بىرلەسكەن جۇمىستى جالعاستىرۋعا ۋاعدالاستى.