اقتوتى رايىمقۇلوۆا مەملەكەتتىك رامىزدەر كۇنىمەن قۇتتىقتادى

اقتوتى رايىمقۇلوۆا مەملەكەتتىك رامىزدەر كۇنىمەن قۇتتىقتادى

قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا قازاقستاندىقتاردى مەملەكەتتىك رامىزدەر كۇنىمەن قۇتتىقتادى، دەپ حابارلادى Almaty-akshamy.kz مينيسترلىكتىڭ باسپا ءسوز قىزمەتىنە سىلتەمەلەپ.

«ارداقتى اعايىن!

سىزدەردى 4 ماۋسىم – مەملەكەتتىك رامىزدەر كۇنىمەن شىن جۇرەكتەن قۇتتىقتايمىن!

بۇگىندە مەملەكەتتىك تۋ، ەلتاڭبا، ءانۇران قيىردا جۇرگەن ءار قازاق ماقتان تۇتاتىن، حالقىمىزدىڭ بەرەكە-بىرلىگىن ارتتىرا تۇسەتىن بويتۇمارعا اينالدى. رامىزدەرىمىز ارقىلى دوڭگەلەنگەن دۇنيەگە ءبىز ءۇشىن تىنىشتىق پەن تۇسىنىستىك، ىزگىلىك پەن تاتۋلىقتان اسقان قىمبات ۇعىم جوق ەكەنىن جەتكىزىپ كەلەمىز.

كوك بايراق كەمەسىن الىسقا باعىتتاپ بارا جاتقان جاس مەملەكەتىمىزدىڭ نيەت-تiلەگiنiڭ تازالىعىن كورسەتەدى. نۇرىن شاشقان التىن كۇن ءومىردى، ۋاقىتتى، بەيبىتشىلىك پەن بايلىقتى بەينەلەيدى. قاناتىن كەڭگە جايعان قىران قۇس حالقىمىزدىڭ ايبارىن، ەركiندiك سۇيگiش اسقاق رۋحىن، جان-دۇنيەسiنiڭ كەڭدiگiن پاش ەتەدi.

ەلتاڭبا ورتاسىنداعى شاڭىراق وتاننىڭ باستاۋى وتباسى ەكەنىن ايعاقتاسا، قاناتتى پىراقتار عاسىرلار بويعى جاسىماس جiگەردiڭ، تالماس تالاپتىڭ، تاۋەلسiزدىگىن اڭساپ، بوستاندىققا ۇمتىلعان قۇلشىنىستىڭ بەينەسi. توردەگى التىن تۇستەس بەس بۇرىشتى جۇلدىز بەن ۋىقتار ۇلىق ۇلىستىڭ مۇراگەرى قازاقستانعا جول نۇسقاپ تۇر.

ايبارلى ءانۇران وڭ قولىمىزدىڭ الاقانىن جۇرەك تۇسىنا قويىپ شىرقاعاندا ەلدىك جولىنداعى ەرلىكتى، بابالار اماناتى مەن ماڭگىلىك ەل بولۋعا بەلىن بەكەم بۋعان بۋىننىڭ ءۇنىن سەزىندىرەتىن قاستەرلى جىر. 

قۇرمەتتى وتانداستار، كورگەن كەزدە جىگەرلەندىرىپ، بويىمىزدى ەرەكشە سەزىمگە بولەيتىن رامىزدەرىمىزدى قاستەرلەۋ ءبىزدىڭ ورتاق پارىزىمىز. لايىم حالقىمىزدىڭ ايبارىن اسقاقتاتىپ، بويىنا ۇلتجاندىلىق دارىتاتىن نىشاندار تورىمىزدەن تۇسپەي، تۇعىرى بيىك بولسىن!» - دەپ جازىلعان ءمينيستردىڭ قۇتتىقتاۋ حاتىندا.