جاڭا ءتوراعانىڭ ءاتى-جونى - قانات جۇماباي ۇلى ىسقاقوۆ. ول بۇعان دەيىن ق ر پرەزيدەنتى باسپا ءسوز قىزمەتىنىڭ سەكتور مەڭگەرۋشىسى بولىپ قىزمەت اتقارعان.
ق ر اقدم ءمينيسترىنىڭ بۇيرىعىمەن قانات جۇماباي ۇلى ىسقاقوۆ قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ اقپارات كوميتەتىنىڭ ءتوراعاسى قىزمەتىنە تاعايىندالدى دەپ حابارلايدى Almaty-akshamy.kz
بۇل تۋرالى حابارلاعان ق ر پرەمەر-مينيسترىنىڭ باسپا ءسوز قىزمەتىنىڭ مالىمەتىنشە، قانات ىسقاقوۆ 1982 جىلى شىمكەنت قالاسىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن، م. لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن ءتامامداعان.
ەڭبەك جولىن 2005 جىلى مەملەكەتتىك جاستار ساياساتىن دامىتۋ قورىنىڭ جەتەكشى مامانى رەتىندە باستاعان.
2006-2009 جىلدارى – ق ر مادەنيەت جانە اقپارات مينيسترلىگىنىڭ قوعامدىق-ساياسي جۇمىس دەپارتامەنتىنىڭ باس مامانىنىڭ م. ا.؛ باس مامانى؛ ساراپشىسى.
2009 جىلعى اقپان-قاراشا ارالىعىندا ق ر پارلامەنتى ءماجىلىسى دەپۋتاتىنىڭ كومەكشىسى بولدى.
2009-2011 جىلدارى – ق ر مەملەكەتتىك حاتشىسى حاتشىلىعىنىڭ كونسۋلتانتى.
2011-2012 جىلدارى – ق ر ءپا ستراتەگيالىق ازىرلەمەلەر جانە تالداۋ ورتالىعىنىڭ ساراپشىسى؛ كونسۋلتانتى.
2012 جىلعى مامىردان باستاپ قازىرگى ۋاقىتقا دەيىن – ق ر پرەزيدەنتى باسپا ءسوز قىزمەتىنىڭ سەكتور مەڭگەرۋشىسى.