اقمولا وبلىسىنىڭ ساندىقتاۋ اۋدانىندا كورشى زەينەتكەرلەردىڭ اتىنا زاڭسىز نەسيە راسىمدەگەن ايەل 2 جىل 4 ايعا سوتتالدى، دەپ حابارلايدى Aqshamnews.kz ءتىلشىسى.
قۇقىق قورعاۋ ورگاندارى ونىڭ ارەكەتىن الاياقتىق رەتىندە باعالادى. تەرگەۋ بارىسىندا ايەلدىڭ قارت ادامداردىڭ سەنىمىنە كىرىپ، ءتۇرلى قۇجاتتار مەن جاردەماقىلاردى راسىمدەۋگە كومەكتەسكەنى انىقتالدى. وسىلايشا ول زەينەتكەرلەردىڭ جەكە دەرەكتەرىن جيناپ الىپ، ولاردىڭ حابارىنسىز نەسيە راسىمدەپ وتىرعان.
«ءىستى قاراۋ ناتيجەسىندە ايىپتالۋشى قىلمىستىق كودەكستىڭ “الاياقتىق” بابى بويىنشا كىنالى دەپ تانىلىپ، 2 جىل 4 اي مەرزىمگە باس بوستاندىعىنان ايىرىلدى»، – دەپ حابارلادى اقمولا وبلىسىنىڭ پروكۋراتۋراسى.
بەلگىلى بولعانداي، ايەل زەينەتكەرلەردى الداۋ ارقىلى جالپى سوماسى 7 ملن تەڭگە كولەمىندە نەسيە العان.