الماتى وبلىسىنىڭ اكىمى اقش-تىڭ الماتىداعى باس كونسۋلىمەن كەزدەسۋدە وسىلاي دەدى.
اماندىق باتالوۆ اقش-تىڭ الماتىداعى باس كونسۋلى ەريك مايەرمەن كەزدەستى. كەزدەسۋدە ينۆەستيسيا تارتۋ جانە ەكولوگيا ماسەلەلەرى ءسوز بولدى، دەپ حابارلايدى Almaty-akshamy.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
اماندىق باتالوۆ ءوڭىردىڭ الەۋمەتتىك-ەكونوميكالىق دامۋىنا قىسقاشا توقتالىپ، مۇندا ينۆەستيسيا تارتۋعا جايلى جاعداي جاسالعانىن، ايماقتىڭ تۋريستىك الەۋەتى مول ەكەنىن ايتتى.
سول سياقتى وبلىس اكىمى الماتى وبلىسىندا امەريكالىق «تايسون فۋدس» كومپانياسى ءىرى قارا ەتىن تەرەڭ وڭدەيتىن جوبانى ىسكە اسىرىپ جاتقانىن تىلگە تيەك ەتتى.
اڭگىمەلەسۋ بارىسىندا ەريك مايەر جىلى قابىلداۋ ءۇشىن ريزاشىلىعىن ءبىلدىرىپ، ەكولوگيا جانە ينۆەستيسيا تارتۋ ماسەلەلەرىندە ءوزارا ىنتىماقتاستىقتى ودان ءارى نىعايتۋ تۋرالى ۇسىنىسىن جەتكىزدى.