امەريكالىق Pfizer ۆاكسيناسىنىڭ تيىمدىلىگى الەمنىڭ كوپتەگەن ەلدەرىندە جوعارى باعالانادى. ەكپەنىڭ بۇل ءتۇرى ءبىزدىڭ قالامىزعا قاشان كەلەدى؟
بۇگىن الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ وسى سۇراققا جاۋاپ بەردى، دەپ حابارلايدى Almaty-akshamy.kz
«ءبىز اتالعان ۆاكسينانىڭ قازاقستاندا قاشان جانە قانشا بولاتىنىن ناقتى ايتا المايمىز. كەلىسسوزدەر ءجۇرىپ جاتىر، ناقتى كۇنى ءالى بەلگىسىز»، - دەپ جاۋاپ بەردى سپيكەر.
بۇدان بۇرىن ءبىز الماتىدا كوروناۆيرۋسقا قارسى Hayat-Vax جانە CoronaVac ۆاكسينالارى تاۋسىلعانىن حابارلاعانبىز.
«بۇگىنگى كۇنى QazVac ۆاكسيناسى دا از قالدى»، - دەدى تاعى دا باسقارما باسشىسى.
ەسكە سالساق، 10 شىلدەدە وتكەن ۇكىمەت وتىرىسىندا پرەزيدەنت قاسىم-جومارات توقايەۆ Pfizer ۆاكسيناسىن قازاقستاندىقتارعا قولجەتىمدى ەتۋ كەرەكتىگى تۋرالى ايتقان بولاتىن.