ءتىنتۋ كەزىندە سۋسابىننىڭ ىدىسىنا سالىنعان وتكىر ءيىستى ۇنتاق تابىلدى.
الماتى قالاسى قاجد №72 مەكەمەسى جەدەل ءبولىمى قىزمەتكەرلەرىنىڭ اقپاراتى بويىنشا، جۋىردا اتالعان مەكەمەگە ەسىرتكى زاتتارىن وتكىزبەكشى بولعان ءۇش ادام ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جەدەل اقپارات بويىنشا، شۇعىل ارەكەت ەتكەن مەكەمەنىڭ جەدەل ۋاكىلدەرى الماتى قالاسى، تۇركسىب اۋدانى پوليسيا باسقارماسىنىڭ جەدەل قىزمەتكەرلەرىمەن بىرگە تەرگەۋ يزولياتورىنىڭ اۋماعىنا كەلگەن كوك ءتۇستى Subaru Forester جەڭىل كولىگىن توقتاتقان بولاتىن.
ۇستالعان 19 جاستاعى ەكى جىگىت جانە 37 جاستاعى ەر ادام وزدەرىنىڭ مەكەمەگە ەسىرتكى زاتىن كىرگىزۋ مۇمكىندىگىن ىزدەپ كەلگەندەرىن مويىندادى. سونداي-اق اباقتىعا تەلەفون تاسىعان ايەلدىڭ دە ارەكەتى انىقتالدى. باس بوستاندىعىنان ايىرۋ ورىندارىنداعى جازالىلار مەن كۇدىكتىلەرگە سالەمدەمە اكەلۋشىلەر ءۇشىن باقىلاۋ-تەكسەرۋ پۋنكتىندە ارنايى ەسكەرتۋ جازبا ءىلىنىپ تۇرادى.
ياعني، ق ر اكىمشىلىك قۇقىقبۇزۋشىلىق تۋرالى كودەكستىڭ 481-بابى 1-بولىگىندە كوزدەلگەندەي، قىلمىستىق-اتقارۋ جۇيەسiءنىڭ مەكەمەلەرiندە ۇستالاتىن ادامدارعا تىيىم سالىنعان زاتتاردى وتكىزۋ ءۇشىن جاسالعان ارەكەتتەرگە قولدانىلاتىن جازا بارى اۋىزشا دا ەسكەرتىلەدى.
الايدا وسىنداي ەسكەرتۋلەرگە قاراماستان، تىيىم سالىنعان زاتتاردى وتكىزۋگە تىرىساتىندار ءجيى انىقتالادى. سونىڭ ءبىرى – الماتى قالاسىنداعى تەرگەۋ يزولياتورىندا جاتقان بالاسىنا جاسىرىن تۇردە تەلەفون بەرمەكشى بولعان انانىڭ ارەكەتى. ول الاياقتىق جاساعانى ءۇشىن قىلمىستىق كودەكستىڭ 190-بابى بويىنشا كۇدىكتى دەپ تانىلىپ، تەرگەۋ اباقتىسىنا قامالعان بالاسىنا اكەلگەن كۇرتەنىڭ قالتاسىنا تەحەت تەلەفونى مەن SIM كارتا جاسىرعان.