الماتى قالاسى №11 جالپى ءبىلىم بەرەتىن مەكتەپ قابىرعاسىندا قازاق ءتىلىنىڭ مەرەيىن اسقاقتاتقان ەرەكشە رۋحاني شارا - "ءتىلىم مەنىڭ – عاسىرلارعا امانات" اتتى قالالىق سەمينار ءوتتى.
سەميناردىڭ نەگىزگى ماقساتى - ءتىلدىڭ قادىر-قاسيەتىن ۇلىقتاپ، ۇلى اباي مۇراسى ارقىلى ۇلتتىق قۇندىلىق پەن رۋحاني بيىكتىكتى دارىپتەۋ، سونداي-اق ءبىلىم بەرۋ ۇدەرىسىندە اباي شىعارمالارىن ءتيىمدى پايدالانۋ جولدارىن تالقىلاۋ بولدى.
شارانى ۇيىمداستىرۋعا مەكتەپتىڭ قازاق ءتىلى مەن ادەبيەتى ءپانىنىڭ ادىستەمەلىك بىرلەستىگى ۇيىتقى بولدى.
سەمينار بارىسىندا ۇستازدار ءوزارا تاجىريبە الماسىپ، زاماناۋي ءبىلىم بەرۋ ادىستەرىن تالقىلادى.
"بۇل شارادا تەك قانا اۋدان ىشىندە ەمەس، جالپى قالا ىشىندەگى قازاق ءتىلى مەن ادەبيەتى ءپانى مۇعالىمدەرىنىڭ قوعامداستىق جۇمىسى كورسەتىلىپ وتىر. سەمينار بارىسىندا جاس ماماندارعا، №39 مەكتەپ-ليسەيىنىڭ، №44 مەكتەپ-گيمنازياسىنىڭ جانە №11 جالپى ءبىلىم بەرەتىن مەكتەپتىڭ ۇستازدارى وزدەرىنىڭ ىس-تاجىريبەسىن، ساباقتا جاساندى ينتەللەكتتى قولدانۋ ادىستەرىن، سونداي-اق ءتۇرلى پەداگوگيكالىق جاڭاشىلدىقتارىن ءبولىستى"، – دەدى №11 جالپى ءبىلىم بەرەتىن مەكتەپتىڭ ديرەكتورى اعىبايەۆا سالتانات اقىلبەك قىزى
سونىمەن قاتار، مۇعالىمدەر ابايدىڭ ولەڭدەرىن مانەرلەپ وقىپ، ۇلى اقىننىڭ شىعارماشىلىعىنا ارنالعان اننەن شاشۋ شاشىپ، بي كورىنىستەرىن ساحنالادى.
ال ارىپتەسىمىز بايزاقوۆا جاننازيا ابايدىڭ 180 جىلدىعىنا ارناعان ارناۋ وقىدى. كورىنىستەر مەن ونەرپاز شاكىرتتەردىڭ ونەرى شارانىڭ رۋحاني مازمۇنىن تەرەڭدەتە ءتۇستى.
مەكتەپ ديرەكتورى اعىبايەۆا سالتانات اقىلبەك قىزى ءوز سوزىندە ۇلتتىق ءتىلدى ۇلىقتاۋ – ۇرپاق تاربيەسىنىڭ باستى وزەگى ەكەنىن اتاپ ءوتتى. سونداي-اق، ول سەمينار قاتىسۋشىلارىنا «سينگاپۋر – ءبىلىم بەرۋ سالاسىنداعى شابىت كوزى» تاقىرىبىندا بايانداما جاسادى. ول سينگاپۋر ەلىنىڭ ءبىلىم جۇيەسىندەگى جاڭاشىل ادىستەر مەن تاجىريبەلەردى وتاندىق وقۋ ۇدەرىسىنە ەنگىزۋدىڭ ءتيىمدى جولدارىنا توقتالدى.
اتالعان ءىس-شارامىزدىڭ ءقادىرلى قوناقتارىنىڭ ءبىرى – قالالىق ادىستەمەلىك كابينەتىنىڭ ادىسكەرى شاكرەتوۆا قالامقاس بازارباي قىزى بەينەجولداۋ ارقىلى ءوز لەبىزىن جولداپ، سەمينار قاتىسۋشىلارىنا ساتتىلىك پەن شىعارماشىلىق شابىت تىلەدى.
ۇستازداردىڭ تاجىريبە الماسۋ الاڭىنا اينالعان جيىنعا قالانىڭ وزگە مەكتەپتەرىنەن 30-دان استام ءمۇعالىم قاتىستى. سەميناردىڭ قۇرمەتتى قوناعى - المالى اۋدانى №39 مەكتەپ-گيمنازياسىنىڭ قازاق ءتىلى مەن ادەبيەتى ءپانىنىڭ ءمۇعالىمى، الماتى قالاسىنىڭ «جىل ءمۇعالىمى – 2021»، «ۇزدىك پەداگوگ – 2025»، حالىقارالىق «ۇزدىك پەداگوگ» اتاعىنىڭ يەگەرى امانوۆ نۇرجىگىت بەردىبەك ۇلى. بەلگىلى ۇستاز ءوز سوزىندە اباي شىعارمالارىنىڭ تاربيەلىك ءمانىن اشىپ، اقىننىڭ ادامگەرشىلىك پەن پاراساتقا ۇندەگەن يدەيالارىنىڭ بۇگىنگى ۇرپاق ساناسىندا ورنى ەرەكشە ەكەنىن اتاپ ءوتتى. سونىمەن قاتار، قۇرمەتتى مەيمان "كەمەلدەنگەن تۇلعا تاربيەلەۋدە اباي شىعارمالارىنىڭ ماڭىزىنا" تاقىرىبىندا قاتىسۋشىلارعا مازمۇندى پرەزەنتاسيا تانىستىردى.
اباي مۇراسى – ادامگەرشىلىك پەن دانالىقتىڭ التىن ارقاۋى. ونىڭ شىعارمالارى – ۇستازعا دا، شاكىرتكە دە ونەگە، ۇلت رۋحانياتىنىڭ شامشىراعى.
سەمينار سوڭىندا قاتىسۋشىلار تاعىلىمدى وي ءتۇيىپ، ءتىل مەن رۋحتىڭ تۇتاستىعىن سەزىندى. ۇيىمداستىرۋشىلار بارلىق قاتىسۋشىلارعا العىس ءبىلدىرىپ، وسىنداي رۋحاني باعىتتاعى كەزدەسۋلەردىڭ جالعاسىن تاباتىنىنا سەنىم ءبىلدىردى.
"ءتىلىم مەنىڭ – عاسىرلارعا امانات" اتتى سەمينار – ۇلتتىق رۋح پەن ءتىل مەرەيىن اسقاقتاتقان تاعىلىمدى باسقوسۋ بولدى.