الماتى قالاسىنىڭ انتيتەرروريستىك كوميسسياسى ۇيىمداستىرۋىمەن ءدىن سالاسىنداعى ءاقپاراتتىق-تۇسىندىرۋ توپتارىنىڭ مۇشەلەرىنە ارنالعان وقىتۋ سەمينارى ءوتتى.
ماقساتى – تەرروريزمنىڭ الدىن الۋ ىسىندە ەڭبەك ەتىپ جۇرگەن مەملەكەتتىك ورگان قىزمەتكەرلەرى، ءدىنتانۋشىلار، تەولوگتار جانە تاريحشىلاردىڭ كاسىبي بىلىكتىلىگىن ارتتىرۋ.
سەمينار بارىسىندا ءاقپاراتتىق-تۇسىندىرۋ جۇمىسىنداعى نەگىزگى ماسەلەلەر، جەكە تۇلعاعا پسيحولوگيالىق اسەر ەتۋ فورمالارى مەن ادىستەرى، ءدىني ەكسترەميزم مەن تەرروريزمگە اقپاراتتىق قارسى ءىس-قيمىل، سويلەۋ مادەنيەتى، دەسترۋكتيۆتى ءدىني اعىم وكىلدەرىمەن پروفيلاكتيكالىق جۇمىستىڭ پسيحولوگيالىق جانە تەولوگيالىق قىرلارى سياقتى تاقىرىپتار تالقىلاندى.
پراكتيكالىق ساباقتاردا قاتىسۋشىلار شەشەندىك ونەر مەن سەندىرۋ ادىستەرىن، اۋديتوريامەن ءتيىمدى بايلانىس ورناتۋ جولدارىن، اكتەرلىك شەبەرلىكتى قولدانۋ تاسىلدەرىن مەڭگەردى. سونىمەن بىرگە، زاماناۋي كوممۋنيكاسيا ترەندتەرى، پرەزەنتاسيا ازىرلەۋ، ءسوز قۇرىلىمىن جوسپارلاۋ جانە كەرى بايلانىس ۇيىمداستىرۋ داعدىلارى دا كورسەتىلدى. جالپى، سەمينار اقپارات الماسۋعا، تاجىريبە بولىسۋگە جانە تەرروريزم پروفيلاكتيكاسىمەن اينالىساتىن مامانداردىڭ كاسىبي دەڭگەيىن كوتەرۋگە ىقپال ەتتى.