الماتىدا 1983 جىلى سالىنعان قۇبىردى اۋىستىرۋعا بايلانىستى اقان سەرى كوشەسىنىڭ ءبىر بولىگىندە كولىك قوزعالىسى ۋاقىتشا شەكتەلەدى، - دەپ حابارلايدى اqshamnews.kz.
الداعى جىلىتۋ ماۋسىمىنا دايىندىق اياسىندا الماتىنىڭ تۇركسىب اۋدانىندا جىلۋ جەلىلەرىن جوسپارلى تۇردە قايتا جاڭعىرتۋ جۇمىستارى جۇرگىزىلۋدە. جۇمىس بارىسىندا جالپى ۇزىندىعى 3،5 شاقىرىم بولاتىن 1983 جىلى پايدالانۋعا بەرىلگەن جىلۋ جەلىلەرى اۋىستىرىلادى.
وسىعان بايلانىستى 2025 جىلى 18 شىلدە كۇنى ساعات 23:00-دەن باستاپ 21 شىلدە كۇنى ساعات 06:00-گە دەيىن اقان سەرى كوشەسىنىڭ كوتەلنيكوۆ كوشەسىنەن سەيفۋللين داڭعىلىنا دەيىنگى بولىگى اۆتوكولىك قوزعالىسى ءۇشىن ۋاقىتشا جابىلادى.
شەكتەۋلەر جول بولىگىندەگى قۇبىرلاردى جوسپارلى تۇردە قايتا جاڭعىرتۋ جۇمىستارىنىڭ قاۋىپسىزدىگىن قامتاماسىز ەتۋ ماقساتىندا ەنگىزىلەدى. قايتا جاڭعىرتۋ جۇمىستارى جۇرگىزىلگەن كەزەڭدە تۇتىنۋشىلارعا ىستىق سۋ ۇزدىكسىز جەتكىزىلەدى.
اتالعان جىلۋ جەلىسى 90 كوپقاباتتى تۇرعىن ءۇيدى، 5 جەكە تۇرعىن ءۇيدى، ءبىر مەكتەپتى جانە ءبىر قوسىمشا نىساندى جىلۋ ەنەرگياسىمەن جانە ىستىق سۋمەن قامتاماسىز ەتەدى.
جالپى، بيىل قالا بويىنشا 39 شاقىرىم جىلۋ جەلىسىن قايتا جاڭعىرتۋ جوسپارلانعان. بۇل جەلىلەردىڭ توزۋ دەڭگەيىن 54%-عا دەيىن تومەندەتۋگە مۇمكىندىك بەرەدى.
ەسكە سالامىز، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋدان اكىمدىكتەرى مەن باسقارمالاردىڭ الەۋمەتتىك جەلىلەرىندە، سونداي-اق، «2GIS» جانە «ياندەكس كارتالار» سەرۆيستەرىندە جازىلعان.
ۋاقىتشا قولايسىزدىققا تۇسىنىستىكپەن قاراۋلارىڭىزدى سۇرايمىز.