بۇل - جاقىندارىنىڭ، ارىپتەستەرى مەن ستۋدەنتتەرىنىڭ دەنساۋلىعىنا قامقور بولاتىن وقىتۋشىلاردىڭ سانالى تاڭداۋى.
بۇل اقپاراتتى وڭىرلىك كوممۋنيكاسيالار قىزمەتى الاڭىندا باسقارما ءتوراعاسى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى دارحان ءبىلالوۆ مالىمدەدى، دەپ حابارلايدى Almaty-akshamy.kz.
ول ىندەت كەزىندە جوعارى جانە ورتا ءبىلىم بەرۋ جۇيەسى قاشىقتان وقىتۋدىڭ جاڭا تاجىريبەسىنە يە بولعانىن، ءبىراق وفلاين فورماتقا ورالۋ ەڭ جاقسى شەشىم بولاتىنىن ايتتى.
دارحان ءبىلالوۆتىڭ ايتۋىنشا، كوروناۆيرۋس — بۇكىل الەمدى ءدۇر سىلكىندىرگەن اۋرۋلاردىڭ ءبىرى. سوندىقتان پەداگوگيكالىق ۋنيۆەرسيتەتتىڭ قىزمەتكەرلەرى ءوز ەركىمەن ۆاكسينا الۋ تۋرالى شەشىم قابىلدادى. 298 ادام ەكپە الدى. بۇل - جاقىندارىنىڭ، ارىپتەستەرى مەن ستۋدەنتتەرىنىڭ دەنساۋلىعىنا قامقور بولاتىن وقىتۋشىلاردىڭ سانالى تاڭداۋى.
«پاندەميا بارلىق جوعارى وقۋ ورىندارىنا قاشىقتان وقىتۋدىڭ جاڭا تاجىريبەسىن اكەلدى. ونى ۇمىتپاۋ كەرەك. ارالاس وقىتۋ فورماتىنىڭ ارتىندا مۇعالىمدەردىڭ بىلىكتىلىگىن ارتتىرۋعا مۇمكىندىك بەرەتىن بولاشاق بار. قاشىقتان وقىتۋدىڭ جاعىمدى جاقتارىنا قاراماستان، ستۋدەنتتەر وفلاين رەجيمدە جاقسى وقيدى. ستۋدەنت جاستاردى اتا-انالارى مەن جاقىندارىنا جاۋاپكەرشىلىك تانىتۋعا شاقىرامىن. ەگەر ءسىز اۋرۋ جۇقتىرساڭىز، وتباسىنداعى قارت ادامداردىڭ ساۋىعۋى وتە قيىن»، — دەدى دارحان ءبىلالوۆ.
رەكتور وقىتۋشىلاردى، ستۋدەنتتەردى، تالاپكەرلەردى، ستۋدەنت جاستاردى ۆاكسينا الۋعا جانە ۇجىمدىق يممۋنيتەتتى قۇرۋعا شاقىردى. بۇل - كوروناۆيرۋستىق پاندەمياعا قارسى تۇرۋدىڭ جالعىز جولى جانە قالىپتى ءومىر سالتىنا ورالۋدىڭ كەپىلى. دارحان ءبىلالوۆتىڭ ايتۋىنشا، مامانداردى تارتا وتىرىپ، ۆاكسينا جايلى تۇسىندىرمە جۇمىستارى جۇرگىزىلۋدە.
جالپى، الماتىدا، 14 ماۋسىمداعى جاعداي بويىنشا، كۆي-عا قارسى ۆاكسينانى 345 465 ادام الدى. 60 جاستان اسقاندار سانى 35 972 ادامدى قۇرايدى. مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازارلار مەن قالانىڭ سوسو-دا 208 ۆاكسينا پۋنكتتەرى جۇمىس ىستەيدى. 1256 ادامنان قۇرالعان 307 ەكپە بريگاداسى بار. كاسىپورىندار مەن وقۋ ورىندارىنىڭ ۇجىمدارىن ۆاكسينالاۋ ءۇشىن ءموبيلدى بريگادالار جۇمىس ىستەۋدە.