ەرجان باباقۇماروۆ "قازاقستاننىڭ 100 جاڭا ەسىمى" جوباسىنىڭ الماتىلىق جەڭىمپازدارىمەن كەزدەستى
الماتى قالاسى اكىمىنىڭ ورىنباسارى ەرجان باباقۇماروۆ "قازاقستاننىڭ 100 جاڭا ەسىمى" جوباسىنىڭ ءتورتىنشى كەزەڭىنىڭ ءفيناليسى بولعان الماتىلىقتارمەن كەزدەسۋ وتكىزدى. بۇل جوبا 2017 جىلدان باستاپ "رۋحاني جاڭعىرۋ" باعدارلاماسى اياسىندا باسەكەگە قابىلەتتىلىك، پراگماتيزم مەن بىلىمگە تابىنۋ يدەيالارىن ءارتۇرلى ماماندىقتاعى ناقتى ادامداردىڭ ارقاسىندا ىسكە اسۋدا.
4 جىلدىڭ ىشىندە جوباعا 7 مىڭنان استام ادام قاتىستى، ولاردىڭ 163ء-ى جەڭىمپاز اتاندى. ونىڭ 46-سى الماتىلىقتار. بايقاۋدىڭ ءتورتىنشى كەزەڭىندە بارلىق جەتى سالا بويىنشا ("قوعام"، "مادەنيەت پەن سپورت"، "مەديسينا"، "عىلىم مەن يننوۆاسيا"، "بيزنەس"، "ەكولوگيا" مەن "ءبىلىم") ءۇش مىڭعا جۋىق قازاقستاندىق ءوتىنىم بەرگەن، اراسىندا 9 الماتىلىق فيناليست بار. ولاردىڭ اراسىندا كاسىپكەرلەر، عالىمدار، جۋرناليستەر، سپورتشىلار، مۇعالىمدەر مەن ەرىكتىلەر بار. ولار ءتۇرلى سالالاردا تابىستارعا قول جەتكىزدى ءارى ولاردىڭ تاجىريبەسى باسقا الماتىلىقتار ءۇشىن ۇلگى.
الماتى اكىمىنىڭ ورىنباسارى ەرجان باباقۇماروۆ جەڭىمپازدارعا العىس حاتتار تابىس ەتىپ، "قازاقستاننىڭ 100 جاڭا ەسىمى" جوباسى ەل تاۋەلسىزدىگىنىڭ 30 جىلدىعىنا وراي وتكەنىن ايتتى. جوبادا جەڭىسكە وزدەرىنىڭ دارىنى، ەڭبەكقورلىعى ارقىلى قالامىزدىڭ تۇرعىندارىن كەڭىنەن تاني بىلگەن، قازاقستاندىقتىڭ باسەكەگە قابىلەتتى ءارى تابىستى بەينەسىن قالىپتاستىرۋعا ءوز ۇلەستەرىن قوسقان ادامدار جەتتى.
"جوبادا تاۋەلسىزدىك جىلدارىندا جەتىستىككە جەتكەن، جەڭىسكە وزدەرىنىڭ تالانتى، ەڭبەكقورلىعى ارقىلى باسەكەگە قابىلەتتى ءارى تابىستى بەينەسىن قالىپتاستىرۋعا ءوز ۇلەستەرىن قوسقان ادامدار جەتتى. ءبىزدىڭ وتانىمىز دارىندى ازاماتتارعا جاعداي جاسايدى. پاتريوتيزمدە وتانعا دەگەن سۇيىسپەنشىلىگىمىز ماڭىزدى. ءبىزدىڭ ەلىمىز جاستاردىڭ جەتىستىككە جەتۋىنە مۇمكىندىك بەرەدى. جوبا جەڭىمپازدارى ميلليونداعان ادامدارعا ءۇشىن ۇلگى"، – دەدى ە. باباقۇماروۆ.
جۇزدىككە ەنگەن جاڭا ەسىمدەردىڭ ىشىندە قازۇاۋ حالىقارالىق ۆاكسينولوگيا ورتالىعىنىڭ ديرەكتورى، پروفەسسور، عالىم قايسار تابىنوۆ "عىلىم مەن يننوۆاسيا" سالاسىندا جەڭىمپاز اتاندى. ول ءوز توبىمەن بىرگە سوڭعى 15 جىل ىشىندە ءقاۋىپتى ينفەكسيالارعا قارسى 10-عا جۋىق ۆاكسينا جاسادى. ونىڭ بىرەگەي جوبالارى ءقازىردىڭ وزىندە قولدانىلادى. جەڭىمپازدار قاتارىندا جاڭاشىل ءارى تابىستى كاسىپكەر تاير باتالوۆ تا بار. ول استىق نارىعىنداعى الەمدىك اينالىمنىڭ 80%-نا دەيىن رەتتەيتىن كومپانيا قۇرۋ ارقىلى مىڭنان استام جۇمىس ورنىن قۇردى. جەڭىمپازدار تىزىمىندە پروفەسسور، جۋرناليست ءارى "تۇران-تۆ" تەلەارناسىنىڭ جۇرگىزۋشىسى، ابىلايحان اتىنداعى ءقازحقجاتۋ وقىتۋشىسى مادينا ءاشىموۆا بار. ول سونداي-اق "Nomad"ساياحاتشىلار كلۋبىن ۇيىمداستىردى.
"مەن ءبىرقاتار الەۋمەتتىك جوبالاردىڭ ۇيىمداستىرۋشىسىمىن، جۋرناليست بولىپ جۇمىس ىستەيمىن ءارى جوو-دا ساباق بەرەمىن. جاس قازاقستاندىقتارعا ءوز ارمانىنا جەتۋ كەرەكتىگىن كورسەتكىم كەلەدى. مەنىڭ جوباعا قاتىسۋىم ايەلدىڭ تاعدىرى تەك وتباسى مەن ۇيدە عانا ەمەس ەكەنىن كورسەتەدى”، – دەدى مادينا ءاشىموۆا.
سونداي-اق "100 جاڭا ەسىم" جوباسىنىڭ جەڭىمپازدارى قاتارىندا: فوتوگراف، "OKO STUDIO" نەگىزىن قالاۋشى دانيار سارسەي ۇلى، اقش-تاعى حوككەي كلۋبىنىڭ جاتتىقتىرۋشىسى، Princeton Tiger Lilies كومانداسىنىڭ باس جاتتىقتىرۋشىسى، سپورتشى ءارى حوككەي شابۋىلشىسى بۇلبۇل كارتانباي، ستارتاپەر، Warwick Boring نەگىزىن قالاۋشى ءارى باس ينجەنەرى تايجان سانجار، حيميا ءپانىنىڭ ءمۇعالىمى، جاپوندىق انيمە "نارۋتو" ارقىلى مەكتەپ پانىنەن ساباق بەرەتىن ۇلان ۇسەنوۆ، "Kzphdgirlsunion" ەرىكتىلەر جوباسىنىڭ نەگىزىن، "Carl Zeiss" كومپانياسىنداعى ەكسترەمالدى ۋك-ليفتوگرافيا سالاسىنداعى عالىم ءامينا ميرساكييەۆا مەن اقش-تاعى "Qazaq time" جوباسىنىڭ جۇرگىزۋشىسى دانيار قوجان بار.