الەۋمەتتىك ينفراقۇرىلىم مەن تۇرعىن ءۇي قۇرىلىسىنىڭ قارقىنى تۋرالى قالالىق ستراتەگيا جانە بيۋدجەت باسقارماسىنىڭ باسشىسى الماس باتانوۆ «جاڭا الماتى» كەشەندى دامۋ جوسپارىن جۇزەگە اسىرۋ قارقىنىن تالقىلاۋعا ارنالعان دوڭگەلەك ۇستەل بارىسىندا ايتتى دەپ حابارلايدى almaty-akshamy.kz
تۇركسىب اۋدانى، جاس قانات شاعىن اۋدانىندا 41 كوپپاتەرلى تۇرعىن ءۇيدىڭ قۇرىلىسى جۇرگىزىلۋدە. سونىمەن قاتار، شۇعىلا، العاباس جانە جاس قانات شاعىن اۋداندارىندا سالىنىپ جاتقان 222 كوپقاباتتى ۇيگە ينجەنەرلىك-كوممۋنالدىق ينفراقۇرىلىم جۇرگىزىلدى.
جاڭا الماتى شاعىن اۋداندارىن كەشەندى دامىتۋ مەكتەپتەر، بالاباقشالار مەن ەمحانالار سالۋدى كوزدەيدى. ستراتەگيا جانە بيۋدجەت باسقارماسىنىڭ باسشىسى الماس باتانوۆتىڭ ايتۋىنشا، قازىرگى ۋاقىتتا الاتاۋ، ناۋرىزباي جانە تۇركسىب اۋداندارىندا 7 مەكتەپ پەن 12 جاڭا مەكتەپ كورپۋسىنىڭ قۇرىلىسى ءجۇرىپ جاتىر.
بالاباقشالاردىڭ قولجەتىمدىلىگى ماسەلەسى شەشىلۋدە. سوڭعى جىلدارى الماتىدا بالا تۋۋدىڭ ءوسۋى بايقالادى، سوندىقتان جاس الماتىلىقتاردى بالاباقشالاردا ورىندارمەن قامتاماسىز ەتۋ ءۇشىن قالا اكىمدىگى بىرنەشە جىلدان بەرى ءبىلىم بەرۋ مەكەمەلەرىن جونىندەگى باعدارلامانى جۇزەگە اسىرىپ كەلەدى.
تاۋسامالى جانە اقجار شاعىن اۋدانىندا 240 ورىندىق ەكى بالاباقشا پايدالانۋعا بەرىلدى. 2021 جىلدىڭ جەلتوقسان ايىندا 120 ورىندىق تاعى بىرەۋى، ال 2022 جىلى جاس قانات شاعىن اۋدانىندا 280 ورىندىق بالاباقشا پايدالانۋعا بەرىلەدى.
الماس باتانوۆ اكىمدىكتىڭ جەكە بيزنەستىڭ الەۋمەتتىك ينفراقۇرىلىمدى دامىتۋعا قاتىسۋىنا جاعداي جاساپ وتىرعانىن اتاپ ءوتتى. مىسالى، جىل باسىنان بەرى جاڭا شاعىن اۋدانداردا 4 658 ورىندىق 72 جەكەمەنشىك بالاباقشا اشىلدى.
بۇدان باسقا، الماتى اكىمى باقىتجان ساعىنتايەۆتىڭ تاپسىرماسى بويىنشا ساپالى مەديسينالىق قىزمەتتەرمەن قامتاماسىز ەتۋ ماقساتىندا شەتكى شاعىن اۋدانداردا وتباسىلىق دارىگەرلىك امبۋلاتوريالار اشىلۋدا. كەمەل شاعىن اۋدانىن ودا، «بالالارعا شۇعىل مەديسينالىق كومەك كورسەتۋ ورتالىعى» قابىلداۋ بولىمشەسىنىڭ جاڭا كورپۋسى، №7 مكا قابىلداۋ ءبولىمىنىڭ كورپۋسى سالىنۋدا.
سونىمەن قاتار، سايالى، قاراسۋ، رۆ-90، جاس قانات، اقجار شاعىن اۋداندارىندا جانە ايباسوۆ كوشەسىندە قاراعايلى شاعىن اۋدانىندا 500 ورىندىق ەمحانانىڭ جانە №16 ەمحانا عيماراتىنىڭ سەيسموتۇراقتىلىعىن كۇشەيتۋ قۇرىلىسى ءۇشىن جوبالىق-سمەتالىق قۇجاتتاما ازىرلەنۋدە.
بۇگىندە №6 ەمحانا مەن تۋبەركۋلەزگە قارسى ديسپانسەردى كۇردەلى جوندەۋ جانە سەيسميكالىق كۇشەيتۋ اياقتالدى.