الماتىدا ينجەنەرلىك ينفراقۇرىلىمدى جاڭعىرتۋ جۇمىستارى جالعاسۋدا. شجق «الماتى سۋ» مكك-نىڭ ءوز ينۆەستيسيالىق باعدارلاماسى ەسەبىنەن بيىل توزعان سۋ قۇبىرى جەلىلەرى قايتا جاڭارتىلىپ جاتىر.
قايتا جاڭارتۋ جۇمىستارىنىڭ جۇرگىزىلۋىنە بايلانىستى 14 شىلدە مەن 31 تامىز ارالىعىندا ورمانوۆ كوشەسى بويىمەن تولە بي مەن قۇماي كوشەلەرىنىڭ اراسىنداعى اۋماقتا كولىك قوزعالىسى شەكتەلەدى. شەكتەۋلەر جولدىڭ استىنا سالىنعان سۋ جەلىلەرىن رەكونسترۋكسيالاۋمەن بايلانىستى. جۇمىس اياقتالعان سوڭ جول جابىنى تولىقتاي قالپىنا كەلتىرىلەدى.
جوبا بويىنشا بارلىعى 5،4 شاقىرىم سۋ قۇبىرى جەلىلەرىن اۋىستىرۋ كوزدەلگەن. جۇمىستىڭ ءبىرىنشى بولىگى - بوگەنباي باتىر كوشەسىنەن بالتابايەۆ كوشەسىنە دەيىنگى ۇزىندىعى 3،3 شاقىرىم ارالىق. العاشقى كەزەڭنىڭ جۇمىسىن كاسىپورىن 2024 جىلى ىسكە اسىرعان بولاتىن.
مەدەۋ اۋدانىنىڭ وسى اۋماقتارىنداعى جەلىلەردى قايتا جاڭارتۋ بىرنەشە مىڭ تۇرعىندى، سونداي-اق، ونداعان اكىمشىلىك عيمارات پەن كوممەرسيالىق نىساندى تۇراقتى ءارى ساپالى سۋمەن قامتاماسىز ەتۋگە مۇمكىندىك بەرەدى.
قالا تۇرعىندارى مەن قوناقتارىنان باعىتىن الدىن-الا جوسپارلاپ، قوزعالىس سىزباسىنداعى ۋاقىتشا وزگەرىستەردى ەسكەرۋدى سۇرايمىز.