الماتىدا ءۇش مەديسينالىق مەكەمەنىڭ قىزمەتكەرلەرى پتر ناتيجەلەرى مەن ۆاكسيناسيا ءتولقۇجاتتارىن قولدان جاساعانى ءۇشىن سوتتالدى، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.
قالالىق كريمينالدىق پوليسيا باسقارماسىنىڭ حابارلاۋىنشا، ەكى جاعدايدا ەكى جەكە مەديسينالىق ورتالىقتىڭ “دوستار مەد” جانە “سۇڭقار” قىزمەتكەرلەرى جالعان قۇجاتتار جاساعانى ءۇشىن ۇستالدى، سونداي-اق №4 ەمحانادا مەديسينالىق قىزمەتكەرلەردىڭ ۆاكسينالاۋ پاسپورتتارىن ساتقانى جانە ۆاكسينالاردى زاڭسىز جويىپ جىبەرگەنى انىقتالدى. ءبىرىنشى جاعدايدا كلينيكاداعى زەرتحانا قىزمەتكەرى ورتالىقتىڭ ەكى مەيىربيكەسىنىڭ كومەگىمەن اقشالاي سىياقى ءۇشىن تەرىس ناتيجەمەن بيوماتەريالدى سىناماسىز پتر تەستىن ۇيىمداستىردى. ءبىراز ۋاقىتتان كەيىن “سۇڭقار” مەديسينالىق ورتالىعىنىڭ دارىگەر-ەندوكسيستى ۇستالدى، ول بۇرىن الاياقتىق ءۇشىن جاۋاپقا تارتىلعان. جەكە ءتىنتۋ كەزىندە تابىلعان پتر تەستىلەرىنىڭ ناتيجەلەرى، سونداي-اق اقشا پروسەسسۋالدىق تارتىپتە تاركىلەندى.
سونىمەن قاتار №4 قالالىق ەمحانانىڭ اعا مەيىربيكەسى ۇستالدى. ول 15 مىڭ تەڭگە كولەمىندە اقشالاي سىياقى الۋ ءۇشىن ۆاكسينا العانداردى بەلگىلەۋ جۋرنالىنا جالعان تىركەۋمەن اينالىسقانىن مويىندادى. بۇل فاكتىلەر ق ر قك-نىڭ 385-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. تەرگەۋ جالعاسۋدا.