ول كىنالى دەپ تانىلىپ، 2 جىل 6 اي مەرزىمگە باس بوستاندىعىنان ايىرىلدى.
الماتى پوليسەيلەرى وتكەن جىلى جول-كولىك وقيعاسى سالدارىنان بالالاردى قاعىپ كەتكەن جۇرگىزۋشى سوتتالعانىن جەتكىزدى، دەپ حابارلايدى Almaty-akhamy.kz.
مامانداردىڭ ايتۋىنشا، بۇل جول-كولىك وقيعاسى 2020 جىلى 25 شىلدەدە «الاتاۋ» ىقشاماۋدانىندا ورىن العان.
«جۇرگىزۋشى ا.ا.ارىستانوۆ، «Toyota Camry» ماركالى كولىكتى باسقارا وتىرىپ، «الماتى-كوكپەك-كوكتال-الاتاۋ» تاس جولى بويىمەن باتىس باعىتتا ءجۇرىپ كەلە جاتتى. شامامەن 20 ساعات 55 مينۋتتا ا.ا.ارىستانوۆ جول قوزعالىسى ەرەجەسىنىڭ 10.1-تارماعىنىڭ تالاپتارىن بۇزا وتىرىپ، قوزعالىس قارقىندىلىعىن جول جانە مەتەورولوگيالىق جاعدايلاردى، اتاپ ايتقاندا، ءجۇرۋ باعىتىندا كورىنۋدى ەسكەرمەي، قوزعالىس جىلدامدىعىن تاڭداماي، جول ەرەجەسىن ساقتاۋ ماقساتىندا كولىك قۇرالىنىڭ قوزعالىسىن ۇنەمى قاداعالاپ وتىرماي، جول ۋچاسكەسىندە - «الاتاۋ» شاعىناۋدانىنان باتىسقا قاراي 134 مەتردە، جقە 8.1، 11.1 تارماقتارىنىڭ تالاپتارىن ەسكەرمەي، ءقاۋىپتى مانيەۆر جاساعان كەزدە، قاراما-قارسى جولاقتىڭ بوس ەكەندىگىنە كوز جەتكىزبەي جانە وسى مانيەۆر ارقىلى باسقا جول قوزعالىسى قاتىسۋشىلارىنا ەشقانداي كەدەرگى جاسامايتىنىنا سەنىمدى بولماستان، قارسى جولاقتا كەلە جاتقان ءتورت دوڭگەلەكتى كۆادروسيكلمەن سوقتىعىسۋ جاسادى»، – دەيدى الماتى قالالىق پوليسيا دەپارتامەنتى باستىعىنىڭ ورىنباسارى، پوليسيا پودپولكوۆنيگى رۇستەم ءابدراحمانوۆ.
الماتى قالالىق پوليسيا دەپارتامەنتى باسپا ءسوز قىزمەتىنىڭ حابارلاۋىنشا، كۆادروسيكلدى 16 جاسار ءجاسوسپىرىم باسقارىپ كەلگەن. وسى جول-كولىك وقيعاسىنىڭ سالدارىنان موتوقۇرالىنىڭ جۇرگىزۋشىسى مەديسينالىق مەكەمەدە العان جاراقاتتارىنان قايتىس بولعان. ونىڭ جولاۋشىسى 4 جاسار قىز اۋىر جاراقات العان.
سوت شەشىمىمەن ا.ا.ارىستانوۆ قازاقستان رەسپۋبليكاسى قىلمىستىق كودەكسىنىڭ 345-بابى 3-بولىگىندە كوزدەلگەن قىلمىستى جاساعانى ءۇشىن كىنالى دەپ تانىلىپ، وعان وسى باپ بويىنشا 2 (ەكى) جىل 6 (التى) اي مەرزىمگە باس بوستاندىعىنان، 4 (ءتورت) جىل مەرزىمگە كولىك قۇرالدارىن باسقارۋ قۇقىعىنان ايىرۋ جازاسى تاعايىندالدى، جازاسىن ەڭ تومەنگى قاۋىپسىزدىكتەگى قىلمىستىق سوت جۇيەسى مەكەمەلەرىندە وتەيدى. «ءۇيقاماققا الۋ» تۇرىندەگى بۇلتارتپاۋ شاراسى وزگەرتىلىپ، ا.ارىستانوۆ سوت زالىندا قاماۋعا الىندى.