23 قازان 2025 جىلى الماتى ءسان جانە قىزمەت كورسەتۋ سالاسى كوللەدجىندە ۇستازدار اراسىندا قازاق كۇرەسىنەن وتكەن ءداستۇرلى «كوللەدج ۇستاز بارىسى – 2025» ءتۋرنيرى جوعارى دەڭگەيدە ۇيىمداستىرىلدى. بۇل تۋرنير الماتى قالاسى اكىمىنىڭ وكىمى جانە 2024 جىلعى 17 جەلتوقسانداعى №34ء-و بۇيرىعى نەگىزىندە وتكىزىلىپ، قالا كوللەدجدەرى اراسىنداعى دەنە شىنىقتىرۋ مەن ۇلتتىق سپورتتى دامىتۋعا باعىتتالدى.
جارىستىڭ اشىلۋ سالتاناتى ەرەكشە رۋحتى اتموسفەرادا ءوتتى. سالتانات اياسىندا ءسوز سويلەگەن الماتى ءسان جانە قىزمەت كورسەتۋ سالاسى كوللەدجىنىڭ…
الماتىدا كوللەدج ۇستازدارى اراسىندا «ۇستاز بارىسى – 2025» ءتۋرنيرى ءوتتى
23 قازان 2025 جىلى الماتى ءسان جانە قىزمەت كورسەتۋ سالاسى كوللەدجىندە ۇستازدار اراسىندا قازاق كۇرەسىنەن وتكەن ءداستۇرلى «كوللەدج ۇستاز بارىسى – 2025» ءتۋرنيرى جوعارى دەڭگەيدە ۇيىمداستىرىلدى. بۇل تۋرنير الماتى قالاسى اكىمىنىڭ وكىمى جانە 2024 جىلعى 17 جەلتوقسانداعى №34ء-و بۇيرىعى نەگىزىندە وتكىزىلىپ، قالا كوللەدجدەرى اراسىنداعى دەنە شىنىقتىرۋ مەن ۇلتتىق سپورتتى دامىتۋعا باعىتتالدى.
جارىستىڭ اشىلۋ سالتاناتى ەرەكشە رۋحتى اتموسفەرادا ءوتتى. سالتانات اياسىندا ءسوز سويلەگەن الماتى ءسان جانە قىزمەت كورسەتۋ سالاسى كوللەدجىنىڭ ديرەكتورى دجۋنيسالييەۆ جانبولات سمان ۇلى سپورتتىڭ ادام ومىرىندەگى رولىنە توقتالىپ، قازاق كۇرەسىنىڭ – ۇلتتىق رۋح پەن باتىرلىقتىڭ سيمۆولى ەكەنىن اتاپ ءوتتى. ول ۇستازداردىڭ تەك ءبىلىم بەرىپ قانا قويماي، جاس ۇرپاققا ۇلگى بولار دەنساۋلىق پەن ەرىك-جىگەر يەسى ەكەنىن ايرىقشا اتاپ ءوتىپ، تۋرنيرگە قاتىسۋشىلارعا تەك جەڭىس ەمەس، تاتۋلىق پەن دوستىق تىلەدى.
تۋرنيرگە قالامىزدىڭ ءبىرقاتار كوللەدجدەرىنىڭ ەڭ مىقتى، ەڭ بىلەكتى ۇستازدارى جينالىپ، پالۋاندىق ونەرىن كورسەتىپ، سپورتتىق شەبەرلىكتەرىن پاش ەتتى. بەلدەسۋلەر ەكى سالماق دارەجەسى بويىنشا ءوتتى:
80 كەلىگە دەيىن
80 كەلىدەن جوعارى (تۇيە پالۋان)
سپورتتىق تارتىس قىزۋ ءوتتى. ءار بەلدەسۋدىڭ ءوز تاكتيكاسى، ءوز كۇرەسى بولدى. پالۋانداردىڭ قايسارلىعى مەن توزىمدىلىگى كورەرمەندەردى ءتانتى ەتتى. تريبۋنالاردا ارىپتەستەر مەن ستۋدەنتتەر ۇستازدارىنا ەرەكشە قولداۋ كورسەتىپ، زالدى جىگەرلى ۇرانعا بولەدى.
جارىس «Qazaq kuresi» اسسوسياسياسى بەكىتكەن ەرەجەلەرگە سايكەس ۇيىمداستىرىلدى. تورەشىلىك مىندەت الماتى قالاسى قازاق كۇرەسى فەدەراسياسىنىڭ حالىقارالىق دەڭگەيدە تاجىريبەسى بار ماماندارىنا جۇكتەلدى.
باس تورەشى: قاپباروۆ ازيز
باس حاتشى: بەلگىبايەۆ ەرجان
جەڭىمپازدار ارنايى دايىندالعان كۋبوكتار مەن مەدالدارعا يە بولىپ قانا قويماي، الەۋمەتتىك سەرىكتەستەر مەن دەمەۋشىلەردىڭ قولداۋىمەن اقشالاي سىيلىقتارمەن ماراپاتتالدى:
I ورىن – 100 000 تەڭگە
II ورىن – 70 000 تەڭگە
III ورىن – 50 000 تەڭگە
تۋرنير بارىسىندا ۇستازدار قاۋىمى ءوزارا تاجىريبە الماسىپ، سپورت مادەنيەتىن ىلگەرىلەتۋ جونىندە پىكىر ءبولىستى. ۇلتتىق سپورتتىڭ مارتەبەسىن ارتتىرىپ، ۇستازدار اراسىندا سپورتتىق دوستاستىقتى نىعايتاتىن مۇنداي جارىستاردىڭ جالعاسى بولاتىنىنا سەنىم ءبىلدىرىلدى.
بۇل تۋرنير — تەك جارىس ەمەس، ۇستازدار بەدەلىن، دەنە تاربيەسىنىڭ ماڭىزىن، ۇلتتىق بولمىسىمىزدى سالماقتايتىن ءمانى زور شارا بولدى.
ماتەريالدىڭ اۆتورى:
الماتى ءسان جانە قىزمەت كورسەتۋ سالاسى كوللەدج
ديرەكتورىنىڭ تاربيە ءىسى جونىندەگى ورىنباسارىوماروۆا كۇنىماي نۇرلىباي قىزى