الماتىنىڭ قالا قۇرىلىسىن باقىلاۋ باسقارماسى ەرمەنساي شاعىناۋدانىندا، جاڭگىر حان كوشەسى، 46-ۇيدە ورنالاسقان ءۇش قاباتتى تۇرعىن ءۇيدىڭ بۇزىلىپ جاتقانىن حابارلايدى.
تەكسەرۋ كەزىندە نىسان يەسىنىڭ قۇرىلىسقا رۇقسات بەرەتىن ءتيىستى قۇجاتى جوق ەكەنى جانە جوبا سىزباسىنىڭ قاتە بولعانى انىقتالعان.
وسىعان بايلانىستى مەنشىك يەسىنە (جەكە تۇلعا) اكىمشىلىك شارالار قولدانىلىپ، زاڭبۇزۋشىلىقتاردى جويۋ تۋرالى نۇسقاما بەرىلگەن.
الايدا نۇسقاما تالاپتارى ورىندالماعاندىقتان، بوستاندىق اۋداندىق سوتىنا نىساندى ءسۇرۋ تۋرالى تالاپ-ارىز بەرىلدى. بۇدان كەيىن ۇزاققا سوزىلعان سوت پروسەسى جۇرگىزىلدى.
2023 جىلى 15 تامىزدا جوعارعى سوتتىڭ قاۋلىسىمەن العاشقى سوت ينستانسياسىنىڭ نىساندى بۇزۋ جونىندەگى شەشىمى وزگەرىسسىز قالدىرىلدى. كەيىننەن الماتى قالاسى ادىلەت دەپارتامەنتىندە ورىنداۋ پروسەسى باستالدى.
جاقىندا سوت ورىنداۋشىلارىنىڭ قاتىسۋىمەن نىساندى بۇزۋ جۇمىستارى باستالدى.