الماتى قالالىق پوليسيا دەپارتامەنتىنە ناۋرىزباي اۋداندىق پوليسيا باسقارماسىنىڭ قىزمەتكەرلەرىنىڭ اتىنا تۇرعىننان العىس حات كەلىپ ءتۇستى، دەپ حابارلايدى aqshamnews.kz Polisia.kz-كە سىلتەمە جاساپ.
ۆالەنتينا سەرگەيەۆنا ەسىمدى قالا تۇرعىنى كامەلەتكە تولماعان ۇلىنىڭ جالعىز ءوزى بالىق اۋلاۋعا كەتىپ، بايلانىسقا شىقپاي قويعانىن حابارلاعان. اناسى بالاسىنا ءۇش ساعات بويى حابارلاسا الماي، اقىر سوڭىندا پوليسيادان كومەك سۇراۋعا ءماجبۇر بولعان. شاقىرتۋ تۇسكەن ساتتە وقيعا ورنىنا جەدەل تۇردە پاترۋلدىك ەكيپاج جىبەرىلدى. پوليسيا قىزمەتكەرى الماسبەك اۋەلوۆ ارىپتەستەرىمەن بىرگە بالانىڭ گەولوكاسياسىن انىقتاپ، ىزدەۋدى دەرەۋ باستادى. بار بولعانى ءبىر جارىم ساعات ىشىندە ءجاسوسپىرىم تابىلىپ، ۇيىنە امان-ەسەن ورالدى. قىزمەتكەرلەر اتا-اناسىمەن جانە جاسوسپىرىممەن پروفيلاكتيكالىق اڭگىمە جۇرگىزىپ، ەرەسەكتەرسىز سۋ ايدىندارىنا بارۋدىڭ ءقاۋىپتى ەكەنىن ءتۇسىندىردى.
"بارلىق قىزمەتكەرلەرىڭىز ازاماتتاردىڭ ماسەلەسىنە بەيجاي قاراماسا ەكەن دەيمىن. بۇل – باسقا سالا ماماندارىنا دا ۇلگى. پاترۋلدىك پوليسيا قىزمەتكەرلەرىنە شەكسىز العىسىمدى بىلدىرەمىن، — دەلىنگەن الماتىلىق تۇرعىننىڭ حاتىندا. ناۋرىزباي اۋداندىق پوليسيا باسقارماسىنىڭ باستىعى ديدار جاكيپبايەۆ مۇنداي العىس سوزدەردىڭ ماڭىزى ەرەكشە ەكەنىن اتاپ ءوتتى: — ازاماتتاردىڭ پىكىرى ءبىز ءۇشىن وتە قۇندى. ءاربىر العىس – قىزمەتكەرلەر ءۇشىن جوعارى باعا ءارى ۇلكەن موتيۆاسيا. بۇل ولاردىڭ ماماندىعىنىڭ قانشالىقتى جاۋاپتى ءارى ماڭىزدى ەكەنىن ەسكە سالادى. ءبىز تۇرعىنداردىڭ وزدەرىن ءقاۋىپسىز سەزىنۋى جانە پوليسياعا سەنىم ارتۋى ءۇشىن بارلىق كۇشىمىزدى جۇمسايمىز"، دەدى ول.