الماتىنىڭ كوممۋنالدىق قىزمەتتەرى كۇشەيتىلگەن جۇمىس رەجيمىنە كوشەدى
22 قاڭتارعا قاراعان تۇننەن باستاپ ەكى تاۋلىك ىشىندە الماتىدا قار جاۋادى، كەيدە قاتتى جاۋادى دەپ بولجانۋدا، دەپ حابارلايدى aqshamnews.kz الماتىنىڭ كوممۋنالدىق ينفراقۇرىلىمدى دامىتۋ باسقارماسىنا سىلتەمە جاساپ.
قالادا كوكتايعاق بولىپ، اۋا تەمپەراتۋراسى تومەندەيدى:
• 22 قاڭتار تۇندە -7-دەن -9°س-قا دەيىن، كۇندىز 0-دەن -2°س-قا دەيىن؛
• 23 قاڭتار تۇندە -15-تەن -17°س-قا دەيىن، كۇندىز -5-تەن -7°س-قا دەيىن.
وسىعان بايلانىستى قالانىڭ كوممۋنالدىق قىزمەتتەرى كۇشەيتىلگەن جۇمىس رەجيمىنە كوشۋدە. وندىرىستىك بازالاردا تاۋلىك بويى كەزەكشىلىك ۇيىمداستىرىلدى. 204 قۇم تاراتقىش قار جاۋا باستاعانعا دەيىن ورنالاسقان جەرلەرىندە كەزەكشى بولادى.
نەگىزگى ماگيسترالدىق كوشەلەر الدىن-الا سۇيىق رەاگەنتتەرمەن وڭدەلەدى. تاۋلىك بويى 624 بىرلىك ارنايى تەحنيكا مەن 1380 جول جۇمىسشىسىن تارتۋ جوسپارلانۋدا.
بۇدان باسقا، جولداردىڭ ءقاۋىپتى ۋچاسكەلەرىندە، تۇسۋلەردە، كوتەرىلۋلەردە، جول ايرىقتارىنان شىعاتىن جولداردا قار كوشكىندەرىنىڭ ۋاقتىلى الدىن الۋ جانە جويۋ ءۇشىن 47 جەدەل بريگادانىڭ كۇشىمەن جول جامىلعىسىنىڭ جاي-كۇيىن پاترۋلدەۋ جونىندەگى جۇمىس كۇشەيتىلەتىن بولادى.
بولجامدى مۇزدانۋعا، جولداردىڭ ءجۇرىس بولىگىندەگى قاردىڭ جايىلۋىنا، تروتۋارلارداعى كوكتايعاققا بايلانىستى اۆتوكولىك جۇرگىزۋشىلەرى مەن جاياۋ جۇرگىنشىلەردەن ساقتىق شارالارىن ساقتاۋدى سۇرايمىز. جۇرگىزۋشىلەرگە جىلدامدىقتى تومەندەتۋگە، اۆتوموبيلدەر اراسىنداعى قاشىقتىقتى ارتتىرۋعا جانە وتكىر مانيەۆرلەردەن اۋلاق بولۋعا كەڭەس بەرەمىز.
اۋداندىق اكىمدىكتەردە قار تازارتۋ جۇمىستارىنا تاۋلىك بويى مونيتورينگ جۇرگىزۋ ءۇشىن شتابتار ۇيىمداستىرىلدى.
قۇرمەتتى جاياۋ جۇرگىنشىلەر!
تروتۋارلاردا اباي بولىڭىز، شاتىرلاردان قار مەن مۇزدىڭ ءتۇسۋ قاۋپىنە بايلانىستى كوپقاباتتى عيماراتتاردان الشاق جۇرگەن ءجون.
