الماتى قالاسى قاج دەپارتامەنتىنىڭ №11 مەكەمەسىندە كامەلەتكە تولماعان جازاسىن وتەۋشى جاسوسپىرىمدەردىڭ الدىندا قازاق مەملەكەتتىك سيركىنىڭ ارتيستەرى ونەر كورسەتتى.
الماتى قالاسى مادەنيەت باسقارماسىنىڭ قولداۋىمەن ۇيىمداستىرىلعان ءىس-شارادا ا.سالاۆاتوۆتىڭ «جونگلياج» جانە س.سەنبەكتىڭ «ديابولو» قويىلىمى، ۆ.ستەپانيۋگانىڭ «كاتۋشكي» ونەرى، ف.اشيرباكييەۆا مەن ت.ءقۋانىشقاليدىڭ روليكپەن جۇپ بولىپ بيلەگەن ءبيى بالالاردىڭ كوڭىلىن كوتەرىپ تاستادى. سونىمەن قاتار ت.وڭالبايەۆ پەن ي.تۋتابەكوۆانىڭ «ەكۆيليبر جىگىتتەرى»، ا.ازيزوۆتىڭ «ورىس تاياعى» اتتى ەرەكشە قويىلىمدارى جاس كورەرمەندەرىن ءبىر ساتكە بولسا دا بالالىق شاققا ساياحات جاساتىپ قايتقانى انىق.
ءيا، باس بوستاندىعىنان ايىرىلىپ، جابىق، تۇزەۋ مەكەمەسىندە وتىرعان جاستار ءبىر ساتكە بولسا دا سەرپىلىپ قالدى.