الماتى پوليسياسىنا جارىلعىش زات تۋرالى جالعان اقپارات بەرگەن ستۋدەنتتەر انىقتالدى

الماتىدا كوللەدجدىڭ ەكى ستۋدەنتى پوليسياعا جارىلعىش زات تۋرالى جالعان اقپارات بەرگەن.

 الماتىداعى كوللەدجدەردىڭ بىرىنە جارىلعىش زات قويىلعانى تۋرالى حابارلاما تاراعان، دەپ حابارلايدى aqshamnews.kz Polisia.kz-كە سىلتەمە جاساپ. 

 قالانىڭ توتەنشە جاعدايلار جانە جەدەل قىزمەتتەرى دەرەۋ عيمارات پەن ونىڭ ماڭايىنا كوميسسيالىق تەكسەرۋ جۇرگىزدى، ناتيجەسىندە جارىلعىش قۇرىلعىلار، جارىلعىش زاتتار، وق-دارىلەر نەمەسە باسقا دا ءقاۋىپتى زاتتار تابىلمادى. جالعان اقپارات بەردى دەگەن كۇدىكپەن اتالعان وقۋ ورنىندا 1-كۋرس وقيتىن ەكى ستۋدەنت ۇستالدى.

 ولار - 16 جاستاعى ج.ەسىمدى جانە 15 جاستاعى ت.ەسىمدى ستۋدەنتتەر. ولاردىڭ ارەكەتى ق ر قك-نىڭ 273-بابىمەن (تەرروريزم اكتiسi تۋرالى كورiنەۋ جالعان حابارلاۋ) سارالانعان. ايعاقتى زاتتار تاركىلەندى، ولار بويىنشا ساراپتاما تاعايىندالدى. اتالعان دەرەك بويىنشا سوتقا دەيىنگى تەرگەۋدى بوستاندىق اۋداندىق پب جانىنداعى پوليسيا ءبولىمى جۇرگىزىپ جاتىر. سونىمەن قاتار الماتى پوليسياسى جالعان حابارلاما تاراتقانى ءۇشىن قىلمىستىق جاۋاپكەرشىلىككە تارتىلاتىنىن تاعى دا ەسكە سالادى. قر-نىڭ جاڭا قك-نىڭ 273-بابىنىڭ نورماسىنا سايكەس، الداعى لاڭكەستىك اكتىسى تۋرالى جالعان اقپارات بەرۋ بەس جىلعا دەيىنگى مەرزىمگە باس بوستاندىعىنان ايىرۋعا جازالانادى.