الماتى وبلىسىندا كيبەرپوليسەيلەر مەملەكەتتىك گرانت الۋعا كومەك كورسەتەمىن دەگەن سىلتاۋمەن ازاماتتاردى WhatsApp مەسسەندجەرى ارقىلى الداپ كەلگەن ايەلدىڭ زاڭسىز ارەكەتىن توقتاتتى، دەپ حابارلايدى aqshamnews.kz Polisia.kz-كە سىلتەمە جاساپ.
– جەدەل-ىزدەستىرۋ شارالارى بارىسىندا ەڭبەكشىقازاق اۋدانىندا جەرگىلىكتى تۇرعىن ۇستالدى. تەرگەۋ بارىسىندا ول ازاماتتاردى الداپ، 5 ميلليون تەڭگەدەن استام قاراجاتتى يەمدەنگەنى انىقتالدى. قازىرگى تاڭدا سوتقا دەيىنگى تەرگەۋ اياسىندا ونىڭ زاڭسىز ارەكەتتەرىنىڭ 10-نان استام ەپيزودى تىركەلدى، – دەپ حابارلادى كيبەرپوليسەيلەر.
اتالعان فاكتى بويىنشا ق ر قك-نىڭ 190-بابىمەن قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر. كۇدىكتى بارلىق قاجەتتى تەرگەۋ شاراسىن جۇرگىزۋ ءۇشىن پوليسيا بولىمشەسىنە جەتكىزىلدى. پوليسيا ازاماتتاردى ساق بولۋعا شاقىرادى. مەملەكەتتىك ورگانداردىڭ اتىنان قارجىلىق كومەك تۋرالى كۇماندى ۇسىنىستارعا، اسىرەسە مەسسەندجەرلەر مەن الەۋمەتتىك جەلىلەر ارقىلى تاراتىلاتىن حابارلامالارعا سەنبەۋگە كەڭەس بەرەدى.