الماتى ماڭىنداعى تۇركسىب اۋدانىندا ورنالاسقان «الاتاۋ» بازاسىندا توتەنشە جاعدايلارعا دايىندالۋ ماقساتىندا ارنايى شاتىرلى لاگەر اشۋ جوسپارلانۋدا. بۇل تۋرالى توتەنشە جاعدايلار ءمينيسترى شىنعىس ءارىنوۆ مالىمدەدى.
«الاتاۋ بازاسىنىڭ باستى ەرەكشەلىگى – ونىڭ 173 گەكتار اشىق اۋماعى بار. بۇل ايماق تەكتونيكالىق جارىقتار مەن ءقاۋىپتى ايماقتاردان الىس، پلاتو ۇستىندە ورنالاسقان. جول قاتىناسى ىڭعايلى، تەمىرجول دا جاقىن ماڭدا ورنالاسقان. ءبىز بۇل جەردە جاتتىعۋلار وتكىزەمىز، سونداي-اق قاجەتتى شاتىرلار قورى جەتكىلىكتى»، – دەپ ءتۇسىندىردى ءارىنوۆ.
توتەنشە جاعدايلار كەزىندە مەملەكەتتىك ماتەريالدىق رەزەرۆ جۇيەسىندە شاتىرلار، توسەكتەر جانە ريۋكزاكتار سياقتى قاجەتتى زاتتار قاراستىرىلعان، بۇل توتەنشە جاعدايدا امان قالۋعا قاجەتتى اۆتونومدى جاعداي جاساۋعا مۇمكىندىك بەرەدى.
«بۇل ماسەلە ءالى تولىق شەشىلمەسە دە، ءبىز زارداپ شەككەندەرگە تەرموبەلە، جىلى كيىمدەر جانە باسقا دا قاجەتتى قورعانىس قۇرالدارىن ۇسىنۋدى جوسپارلاپ وتىرمىز. ءار 10 ادامعا ءبىر مەديسينالىق جيناق بەرىلەدى، ونىڭ ىشىندە العاشقى مەديسينالىق كومەك كورسەتۋگە ارنالعان قۇرالدار بار. سونداي-اق لاگەردە شاتىرلار، ۇيىقتاۋعا ارنالعان قاپتار، ءۇش كۇنگە ارنالعان ازىق-تۇلىك قورى بولادى»، – دەپ تولىقتىردى مينيستر.
بۇل لاگەر 50 مىڭ ادامعا دەيىن ورنالاستىرۋعا بولادى. سونىمەن قاتار، توتەنشە جاعدايلار مينيسترلىگى الماتى ماڭىندا وسىنداي بىرنەشە لاگەر قۇرۋدى جوسپارلاپ وتىر، بۇل ءبىر ميلليونعا دەيىن تۇرعىندى قاۋىپسىزدىكپەن قامتاماسىز ەتۋگە باعىتتالعان.