تۇركىستان قالاسىندا اۋقىمدى سپورتتىق شارا – «ەڭبەك» كۋبوگى سپارتاكياداسى ءوز مارەسىنە جەتتى. بۇل جارىسقا قازاقستاننىڭ 20 وڭىرىنەن 2 000-نان استام كوللەدج ستۋدەنتى قاتىستى.
بەس كۇن بويى ستۋدەنتتەر باسكەتبول، شاعىن-فۋتبول، توعىزقۇمالاق، شاحمات، ۇستەل تەننيسى جانە ۆولەيبول سياقتى سپورت تۇرلەرىنەن ب ا ق سىناستى.
تۋرنيردە الماتى قالاسىنىڭ نامىسىن 7 كوللەدجدەن 71 ستۋدەنت قورعادى.
جالپى كوماندالىق ەسەپ قورىتىندىسى بويىنشا ۇزدىك ۇشتىككە ماڭعىستاۋ وبلىسى كىردى. ەكىنشى ورىندى قاراعاندى وبلىسىنىڭ كومانداسى يەلەنسە، ءابسوليۋتتى جەڭىمپاز اتانعان – الماتى قالاسىنىڭ كومانداسى.
ايتا كەتەيىك، شاعىن-فۋتبولدان الماتى ەنەرگەتيكا جانە ەلەكتروندى تەحنولوگيالار كوللەدجى 1-ورىن،
شاحماتتان الماتى تەحنولوگيالىق كوللەدجى 2-ورىن،
ال باسكەتبولدان الماتى مەملەكەتتىك بيزنەس كوللەدجى 3-ورىن يەلەندى.
«شاعىن-فۋتبولدىڭ ۇزدىك ويىنشىسى» نوميناسياسى بويىنشا الماتى ەنەرگەتيكا جانە ەلەكتروندى تەحنولوگيالار كوللەدجىنىڭ ستۋدەنتى كەڭەسحان اليشەر ماراپاتتالدى.
بارلىق سپورت تۇرىنەن جوعارى ناتيجە كورسەتكەن ۇزدىك كومانداعا كۋبوكتى تۇركىستان وبلىسى اكىمىنىڭ ورىنباسارى بەيسەنباي تاجيبايەۆ تابىستادى.
جەڭىمپازداردى قۇتتىقتاپ، ماراپاتتاردى ق ر وقۋ-اعارتۋ مينيسترلىگى تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى اسەت عاريفوللا ۇلى تاپسىردى.
«جۋىردا مەملەكەت باسشىسى ەلىمىزدە دەنە شىنىقتىرۋ مەن سپورتتى دامىتۋعا مەملەكەتتىك قولداۋدى كۇشەيتۋ تۋرالى زاڭعا قول قويدى. وڭتۇستىك استانا بۇل سالاداعى جوعارى جەتىستىكتەرىمەن تانىمال. ەڭ باستىسى – ستۋدەنتتەردىڭ سپورت پەن دەنە شىنىقتىرۋعا دەگەن قىزىعۋشىلىعى وتە جوعارى. وسىنداي بەدەلدى تۋرنيردە ءساتتى ونەر كورسەتكەن جەڭىمپازدارىمىزدى قۇتتىقتايمىن»، – دەدى الماتى قالالىق ءبىلىم باسقارماسىنىڭ باسشىسى سايران سايفەدەنوۆ.
2026 جىلى «ەڭبەك» كۋبوگى جالعاسىن تاۋىپ، وڭتۇستىك استانادا وتەدى.