الماتىدا جاستار ساياساتى باسقارماسى مەن قالا اكىمدىگىنىڭ جوبالىق كەڭسەسىنىڭ قولداۋىمەن «One day life» قىسقامەتراجدى فيلمدەر سەرياسىنىڭ پرەمەراسى ءوتتى. جوبا جۇمىسشى ماماندىقتار جىلى اياسىندا قولعا الىنعان، دەپ حابارلايدى aqshamnews.kz
قىسقامەتراجدى فيلمدەر ەڭبەگى مەن تاباندىلىعى ارقىلى ءومىردىڭ قيىندىعىن جەڭىپ، جەتىستىككە جەتكەن ادامداردىڭ شىنايى وقيعالارىن باياندايدى.
«One day life» جوباسى جۇمىسشى ماماندىقتارىن ناسيحاتتاۋعا جانە ءتۇرلى سالاداعى ەڭبەكتىڭ ماڭىزدىلىعىن كورسەتۋگە ارنالعان.
«بۇل جوبا كرەاتيۆتى ءارى ماقساتشىل جاستار ءۇشىن جاڭا شابىتتىڭ سيمۆولىنا اينالارى ءسوزسىز. وسىنداي باستامالار ارقىلى ءبىز ماڭىزدى الەۋمەتتىك ماسەلەلەردى كوتەرىپ قانا قويماي، اركىم ءوزىن كورسەتە الاتىن شىعارماشىلىق ورتا قالىپتاستىرامىز»، – دەدى ۇيىمداستىرۋشىلار.
پرەمەراعا جاستار، ءبىلىم بەرۋ مەكەمەلەرىنىڭ وكىلدەرى جانە جاستار ۇيىمدارى قاتىستى.
«One day life» جوباسىنىڭ ءاربىر قىسقامەتراجدى ءفيلمى قۇرىلىسشىلار مەن مەدبيكەلەردەن باستاپ، اسپازدار مەن ينجەنەرلەرگە دەيىنگى ءارتۇرلى جۇمىسشى ماماندىق يەلەرىنىڭ ءبىر كۇندىك ءومىرىن كورسەتەدى. كورەرمەندەر كەيىپكەرلەردىڭ كاسىبي ءومىرىن عانا ەمەس، ولاردىڭ ەڭبەگىنىڭ قوعامعا تيگىزەتىن اسەرىن دە كورەدى.
جوبا اۆتورلارى وقيعالاردى بايانداپ قانا قويماي، ەڭبەككە دەگەن قۇرمەتتىڭ ماڭىزدىلىعىن جانە قوعامنىڭ دامۋىنداعى جۇمىسشى ماماندىقتارىنىڭ ءرولىن كورسەتۋدى ماقسات تۇتقان.