جىلدىڭ ەڭ كوپ كۇتكەن مۋزىكالىق كەشتەرىنىڭ بىرىنە ساناۋلى مينۋتتار قالدى — الماتىداعى ورتالىق ستاديوندا دجەننيفەر لوپەستىڭ الەمدىك تۋرى Up All Night اياسىنداعى گرانديوزدى كونسەرتى باستالماق.
بۇگىن كۇن بويى مۇندا كورەرمەندەر مەن ستاديوننىڭ جاي-كۇيىنە ەرەكشە كوڭىل ءبولىندى. «الماتى تازالىق» قىزمەتى اۋماقتى ۇنەمى ارالاپ، قوقىستى جىلدام جيناپ، قوقىس جاشىكتەرىن بوساتىپ، ءار بۇرىشتىڭ تازا ءارى ۇقىپتى بولۋىن قاداعالادى. ولاردىڭ ۇيلەسىمدى جۇمىسى مەن ەرىكتىلەردىڭ قولداۋىنىڭ ارقاسىندا اۋماق جايلى ءارى مەرەكەلىك كۇيىندە ساقتالىپ، قوناقتاردىڭ ءساتتى تاماشالاۋىنا ەشتەڭە كەدەرگى كەلتىرمەدى.
ۇيىمداستىرۋشىلار بۇل شارالار رەسپۋبليكالىق «تازا قازاقستان» ەكولوگيالىق اكسياسىنىڭ ءبىر بولىگى ەكەنىن اتاپ ءوتتى. اكسيا ماقساتى — كونسەرتكە جايلى جاعداي جاساۋ عانا ەمەس، قالانى ايالاۋدىڭ ماڭىزدىلىعىن ەسكە سالۋ. بۇگىن الماتى الەمدىك سۋپەرجۇلدىزدى بار سۇلۋلىعىمەن، تازالىعىمەن جانە قوناقجايلىعىمەن قارسى الىپ وتىر.