الماتى باسپانا ساتۋدان كوش باستاپ تۇر

الماتى باسپانا ساتۋدان كوش باستاپ تۇر الماتى اكىمدىگى

قازاقستاندا باسپانالار وتپەي جاتسا دا باعا تۇسپەي تۇر، دەپ حابارلايدى aqshamnews.kz

ۇلتتىق ستاتيستيكا بيۋروسىنىڭ دەرەكتەرىنە سايكەس، 2025 جىلدىڭ ماۋسىمىندا ەلدە 33،2 مىڭ تۇرعىن ءۇي ساتىپ الۋ-ساتۋ مامىلەسى تىركەلگەن. بۇل مامىر ايىمەن سالىستىرعاندا 2،1%-عا از. ونىڭ ىشىندە پاتەرلەر نەگىزگى ۇلەستى قۇرادى - 25،4 مىڭ مامىلە. جەكە تۇرعىن ۇيلەرگە 7،8 مىڭ مەنشىك قۇقىعىنىڭ اۋىسۋى تىركەلگەن.

بەلسەندىلىك بويىنشا كوش باستاپ تۇرعان وڭىرلەر - الماتى (6628 مامىلە)، استانا (6072) جانە قاراعاندى وبلىسى (2392). ەڭ تومەن كورسەتكىش ۇلىتاۋ وڭىرىندە، نەبارى 282 مامىلە. پاتەرلەر اراسىندا ەڭ كوپ سۇرانىسقا ءبىر بولمەلى ۇيلەر يە: ماۋسىم ايىندا ولار 10 مىڭعا جۋىق رەت ساتىلعان. جالپى مامىلەلەردىڭ 76،4%-ى پاتەرلەرگە تيەسىلى بولعانىمەن، ءدال وسى سەگمەنتتە ايتارلىقتاي تومەندەۋ بايقالعان، ءبىر ايدا 3،1%-عا ازايىپ، 812 مامىلە قىسقارعان.

پاتەر ساتۋ بويىنشا كوشباسشى - الماتى (24%)، ودان كەيىن استانا (23،4%) جانە قاراعاندى وبلىسى (7،7%). ال جەكە ۇيلەرگە قىزىعۋشىلىق ءسال دە بولسا ارتقان، ءبىر ايدا 1،3%-عا وسكەن. اسىرەسە، پاۆلودار (+20،1%)، جەتىسۋ (+19،4%) جانە اقتوبە (+13،2%) وبلىستارىندا ايتارلىقتاي ءوسىم بايقالدى.

ساتىپ الۋشىلاردىڭ بەلسەندىلىگى تومەندەگەنىنە قاراماستان، تۇرعىن ءۇي باعاسى ءوسۋىن جالعاستىرۋدا. 2024 جىلعى ماۋسىممەن سالىستىرعاندا، جاڭا ۇيلەردىڭ باعاسى 9،5%-عا، قايتالاما نارىقتاعى ۇيلەر 6،7%-عا، جالعا بەرۋ قۇنى 9،4%-عا ارتقان. قىسقا مەرزىمدى ديناميكا بويىنشا دا ءوسىم بار: ماۋسىمدا مامىرعا قاراعاندا باستاپقى نارىقتاعى باعا 1،1%-عا، قايتالاما نارىقتاعىسى 0،9%-عا، جالعا الۋ باعاسى 0،3%-عا وسكەن.

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
0
سوڭعى جاڭالىقتار

18:03

17:21

17:03

16:58

16:54

16:43

16:37

16:13

16:02

16:01

15:55

15:49

13:17

12:55

12:53

12:43

12:37

12:34

12:33

12:31

12:30

12:29

12:19

11:42

11:40