ستوماتولوگتار كوپ بالالى 40 انا مەن مۇمكىندىگى شەكتەۋلى 20 بالانى قابىلدادى.
الماتىداعى كوپ بالالى قىرىق انا №5 قالالىق كلينيكالىق اۋرۋحانادا ءتىسىن تەگىن ەمدەۋ مۇمكىندىگىنە يە بولدى. قايىرىمدىلىق اكسياسى استانا كۇنىنە ورايلاستىرىلدى، دەپ حابارلايدى Almaty-akshamy.kz.
ناۋقاستاردى 5ء-شى اۋرۋحانانىڭ ۇزدىك ستوماتولوگتارى قابىلدادى. مەدەۋ اۋدانى «باقىتتى وتباسى» الەۋمەتتىك ورتالىعىنىڭ باسشىسى تولقىن سامەتوۆانىڭ ايتۋىنشا، حالىقتىڭ الەۋمەتتىك وسال توبىنان شىققان كوپتەگەن ايەلدەر ستوماتولوگيالىق قىزمەت كورسەتۋ ورتالىعىنا مۇقتاج.
«كوپ بالالى ايەلدەر ءتىس ەمدەۋدىڭ قىمبات ەكەنىن ايتادى. سول سەبەپتى مۇقتاج جاندارعا كومەكتەسۋدى شەشتىك. بۇل شاراعا مەدەۋ اۋدانى اكىمدىگى، Nur Otan پارتياسىنىڭ ۇجىمى مەن ەمحانا باسشىلىعى قولداۋ ءبىلدىردى. ولارعا ۇلكەن العىس بىلدىرەمىز. بۇگىن ستوماتولوگتار كوپ بالالى 40 انا مەن مۇمكىندىگى شەكتەۋلى 20 بالانى قابىلدادى. بۇل الەۋمەتتىك جاۋاپكەرشىلىگى جوعارى كاسىپورىننىڭ مىسالى»، – دەيدى تولقىن سامەتوۆا.
ايتا كەتەرلىگى، «باقىتتى وتباسى» جوباسى كوپ بالالى وتباسىلاردىڭ بالالارى مەن اتا-انالارىنا، سونداي-اق حالىقتىڭ الەۋمەتتىك وسال توپ وكىلدەرىنە قىزمەت كورسەتەدى.
بۇعان دەيىن مەدەۋ اۋدانىنىڭ كوپ بالالى انالارى №5 قكا باس دارىگەرى بولات سادىقوۆپەن كەزدەسىپ، وندا حالىقتىڭ الەۋمەتتىك وسال توبى ءۇشىن تەگىن ستوماتولوگيالىق قىزمەت كورسەتۋ ماسەلەلەرىن كوتەرگەن ەدى. ءسوز سوڭىندا ەمدەلۋگە مۇقتاج انالار مەن مەدەۋ اۋدانى بالالارىنىڭ ءتىزىمىن جاساۋ تۋرالى شەشىم قابىلداندى.
بۇل اكسيا كوپ بالالى انالار ءۇشىن ءتىسىن ەمدەتۋگە وڭ ىقپال ەتۋدە.
