«Auezov City» تۇرعىندارىنىڭ وزەكتى ماسەلەلەرى شەشىلدى
الماتى اكىمى دارحان ساتىبالدى جۇمىس ساپارى بارىسىندا «Auezov City» تۇرعىن ءۇي كەشەنىنە بارىپ، تۇرعىندارمەن كەزدەستى. كەزدەسۋدە ينجەنەرلىك ينفراقۇرىلىم، اباتتاندىرۋ جانە اۋماقتىڭ قاۋىپسىزدىگىنە قاتىستى وزەكتى ماسەلەلەر تالقىلاندى، - دەپ حابارلايدى Aqshamnews.kz.
تۇرعىندار ءبىرقاتار ۇسىنىس ايتىپ، شاعىمدارىن جەتكىزدى. اتاپ ايتقاندا، ينجەنەرلىك جەلىلەردى قالانىڭ بالانسىنا بەرۋ، شلاگباۋم ورناتۋ جانە پوليسيا تىرەك پۋنكتىن اشۋ قاجەتتىگى كوتەرىلدى. سونداي-اق، اۋەزوۆ كوشەسى بويىنداعى تروتۋارلاردى كوممەرسيالىق نىسانداردىڭ زاڭسىز يەلەنۋىنە قاتىستى ماسەلە قوزعالدى.
كەزدەسۋ قورىتىندىسى بويىنشا اكىم ءتيىستى باسقارمالار مەن كوممۋنالدىق قىزمەتتەرگە ناقتى تاپسىرمالار بەردى. ينجەنەرلىك جەلىلەردى سۋمەن جابدىقتاۋ، كارىز جانە جىلۋ جۇيەلەرىن قالانىڭ بالانسىنا بەرۋ ۇدەرىسىن جەدەلدەتۋ جونىندە شەشىم قابىلداندى. ءقازىر جەلىلەردىڭ ءبىر بولىگى قابىلداندى، قالعانى جاقىن كۇندەرى راسىمدەلەدى. العاشقى ون بلوكتىڭ تۇرعىندارى قوعامدىق كەلىسىمگە اۋىستىرىلدى، قالعاندارى بويىنشا جۇمىس بىرنەشە كۇن ىشىندە اياقتالادى.
پوليسيا تىرەك پۋنكتىن «RAMS EVO» تۇرعىن ءۇي كەشەنىندە 2026 جىلدىڭ ەكىنشى توقسانىندا ورناتۋ جوسپارلانىپ وتىر.
دارحان ساتىبالدى تۇرعىنداردىڭ بارلىق ءوتىنىشىن جەدەل قاراپ، ناقتى شارا قابىلداۋدى تاپسىردى.
«بارلىق زاڭسىز يەلەنۋ توقتاتىلادى. ءبىز جۇمىس ءتاسىلىن وزگەرتىپ وتىرمىز، ەندى كوشە كەشەندى تۇردە «قاسبەتتەن قاسبەتكە دەيىن» ءادىسى بويىنشا تەكسەرىلەدى. ەگەر كىمدە-كىم تروتۋاردى نەمەسە وزگە اۋماقتى ءوز بەتىنشە يەلەنسە، ول نىساندار بۇزىلادى. ءتارتىپ بارلىعىنا بىردەي بولۋعا ءتيىس»، – دەدى قالا اكىمى.
ساپار سوڭىندا دارحان ساتىبالدى مەدەۋ اۋدانىن سۋمەن قامتاماسىز ەتەتىن «دۋمان» تازا سۋ رەزەرۆۋارىنىڭ قايتا جاڭعىرتۋ بارىسىن تەكسەردى. نىسان ون جىل بۇرىن سالىنعان، ءبىراق انىقتالعان اقاۋلارعا بايلانىستى ءالى پايدالانۋعا بەرىلمەگەن.
اكىم «الماتى سۋ» اق مەن جوبالىق ۇيىمدارعا جوبالىق شەشىمدەردىڭ دۇرىستىعىن مۇقيات تەكسەرىپ، كەمشىلىكتەردى جويۋ جانە قايتا جاڭعىرتۋ جۇمىستارىن جەدەلدەتۋدى تاپسىردى.
دارحان ساتىبالدى بۇل جوبانىڭ ستراتەگيالىق ماڭىزىنا توقتالىپ، رەزەرۆۋاردىڭ ماڭايىندا ورنالاسقان تۇرعىن ءۇي ايماعىنىڭ سۋمەن قامتىلۋىن تۇراقتاندىرۋعا مۇمكىندىك بەرەتىنىن اتاپ ءوتتى.