ەندى قالا تۇرعىندارى تىركەۋ ءنومىرى ارقىلى وتىنىشتەرىن قالدىرا الادى. ونىڭ ورىندالۋ بارىسىن تەكسەرۋ ءۇشىن دە وسى تىركەلۋ ءنومىرى ماڭىزدى ءرول اتقارادى.
الماتى اكىمى باقىتجان ساعىنتايەۆتىڭ تاپسىرماسى بويىنشا قالا اكىمدىگىنىڭ عيماراتىندا «اشىق اكىمدىك» ءفرونت-وفيسى قۇرىلدى، دەپ حابارلايدى Almaty-akshamy.kz اكىمدىكتىڭ باسپا ءسوز قىزمەتىنە سىلتەمە جاساپ.
جوبا «ەستيتىن مەملەكەت» تۇجىرىمداماسى اياسىندا اكىمدىككە جۇگىنەتىن ازاماتتاردىڭ ماسەلەلەرىن شەشۋ ءۇشىن جايلى جاعدايلار جاساۋ ماقساتىندا ىسكە اسىرىلدى. وتىنىشتەر «ءبىر تەرەزە» قاعيداتى بويىنشا قارالادى جانە ەسەپكە الىنۋىنا وراي اۋداندىق اكىمدىكتەرگە نەمەسە قالا باسقارمالارىنا جىبەرىلەدى.
وتىنىشتەر بويىنشا جۇمىس جاسايتىن جوبالىق كەڭسەمەن بىرگە فرونت-وفيس قىزمەتكەرلەرىنىڭ ىس-ارەكەتتەرىنىڭ الگوريتمى جاسالدى، ونىڭ قۇرامىنا قۇرىلىمدىق بولىمشەلەردىڭ باسشىلارى مەن اۋدان اكىمدەرى اپپاراتتارىنىڭ باسشىلارى ەندى.
جازباشا ءوتىنىش بەرگەن كەزدە ەلەكتروندىق كەزەكتىڭ كۋپونى بەرىلەدى. وتىنىشكە تىركەۋ ءنومىرى جازىلادى، ول ءبىر مەملەكەتتىك ورگاننان ەكىنشىسىنە بەرىلۋىن بولدىرمايدى جانە تولىق ءارى ناقتى جاۋاپتى قامتاماسىز ەتەدى.
قازىرگى كەزدە بارلىق اۋداندىق اكىمدىكتەردە فرونت-وفيستەر جۇمىس ىستەيدى، «اۋدان — باسقارما — قالا» ۆەرتيكالى جاسالعان. بولاشاقتا اۋداندىق اكىمدىكتەردە تۇرعىنداردى قابىلداۋدىڭ ەلەكتروندى برونداۋ ءتۇرى قاراستىرىلعان. ەلەكتروندى كەزەك ورناتىلدى، بارلىق قىزمەتتەر سيفرلاندىرىلعان، بۇل ءار ءوتىنىمنىڭ ورىندالۋ بارىسىن كورۋگە مۇمكىندىك بەرەدى.
ءفرونت-وفيستىڭ سيتۋاسيالىق ورتالىق رەتىندە وزەكتى ماسەلەلەردى شەشۋ بويىنشا جەدەل شارالار قابىلداۋدى قامتاماسىز ەتەدى ءارى ءوتىنىشتىڭ قايتالانۋىنىڭ الدىن الادى. وتىنىمدەردى وڭدەۋ تيىمدىلىگىن جەدەلدەتۋ ماقساتىندا كۇن سايىن قىزمەتكەرلەردىڭ اتقارعان جۇمىستارىنا تنك بويىنشا مونيتورينگ جۇرىگىزىلەدى.
الماتى اكىمدىگىندە «قۇجات اينالىمىنىڭ ءبىرىڭعاي جۇيەسى» ورناتىلعان، قازىرگى كەزدە ازاماتتاردىڭ وتىنىشتەرىن جەدەل قاراۋعا مۇمكىندىك بەرەتىن «ە-وتىنىش» اقپاراتتىق جۇيەسى ەنگىزىلگەن.
سونىمەن قاتار «1318» قىسقا ءنومىرى بار كوپ ارنالى كولل-ورتالىق جۇمىس ىستەيدى. ول ازاماتتارعا وتىنىشتەر تۋرالى اقپارات الۋلارىنىڭ باستى كوزى بولىپ تابىلادى، ياعني ءوتىنىمنىڭ قابىلدانۋىنان باستاپ، ورىندالۋى، ازاماتتىڭ بەرىلگەن جاۋاپقا قاناعاتتانۋى تۋرالى تولىق اقپارات ۇسىنادى.
ازاماتتاردى قابىلداۋدى ۇيىمداستىرۋمەن، وتىنىشتەردى تىركەۋمەن، باقىلاۋ مەن ورىندالۋىنا مونيتورينگ جۇرگىزۋمەن، وتىنىشتەردىڭ ورىندالۋىنا ساراپتاما جاساۋمەن جانە تاپسىرما بەرۋمەن الماتى اكىمى اپپاراتىنىڭ وتىنىشتەردى قاراۋدى باقىلاۋ ءبولىمى اينالىسادى.