الي كاپكارا: ءوزىڭىزدىڭ جانە جاقىندارىڭىزدىڭ دەنساۋلىعى ءۇشىن ۆاكسينا الىڭىز

اكتور، تامادا، سەناريست، شوۋمەن، ۆاينەر ابدىكەرىم مۇحاممەتالى الي كاپكارا @_ali_kapkara رەتىندە تانىمال.

ونىڭ شىعارماشىلىق ۇجىمى كوروناۆيرۋسقا قارسى وتاندىق ۆاكسيناعا سەنەدى. جىگىتتەر العاشقى «Qazaq» كومپونەنتىن 6 مامىردا الدى. جاقىن كۇندەرى ەكىنشى كومپونەنتىن سالدىرادى، دەپ حابارلايدى  Almaty-akshamy.kz.

ۆاينەر ابدىكەرىم مۇحامەتالى ءوزىنىڭ ۆاكسينا الۋى تۋرالى الەۋمەتتىك جەلىدەگى پاراقشاسىندا ايتتى. جاڭا فورماتتاعى ءازىل جۇلدىزى ۆاكسينا الۋعا شاقىرادى، ويتكەنى كوروناۆيرۋسپەن اۋىرۋ وتە قيىن دەپ سانايدى.

«مەنىڭ ويىمشا، بۇل ءبىزدىڭ ازاماتتىق پارىزىمىز. ءبىزدىڭ ۇجىم تۇركىستاننان شىمكەنتكە باردىق، سودان كەيىن ۆاكسينا الۋدى شەشتىك. بۇل اۋديتوريانى تارتۋ ءۇشىن جاسالمادى، ءتىپتى سۋرەتكە دە تۇسپەدىك. تەك تۋىستارىمنىڭ دەنساۋلىعىنا الاڭدايمىن»، - دەدى الي كاپكارا.

اكتەردىڭ ايتۋىنشا، بارلىق جۇمىس ونلاين رەجيمدە ءوتتى، ۆاينداردى كوبىرەك تۇسىرە باستاعان. جاڭا جوبالار تۋرالى ويلانۋعا ۋاقىت بولدى. الايدا، بۇل كەزەڭنىڭ قايتالانعانىن قالامايدى. ۆاينەر قالا تۇرعىندارىن ۆاكسينا الۋعا شاقىرادى، ويتكەنى ول ءقاۋىپسىز ءارى ەشقانداي جاناما اسەرلەرى جوق.

«ۆاكسينا ەمەس، ءقاۋىپ كونديسيونەردەن، ويتكەنى، سۋىق ۇستاپ قلاۋى مۇمكىن. تەك ەكپە ارقىلى تۋىستارىمىزدى ءارى ءوزىمىزدى قورعاي الامىز»، - دەدى الي كاپكارا.

الماتىدا وسى جىلى 10 ماۋسىمداعى جاعداي بويىنشا 329 671 ادام ۆاكسينا الدى. قالادا مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا 211 ۆاكسينا پۋنكتى جۇمىس ىستەيدى. قۇرامىندا 1 257 مامان 304 ەكپە بريگاداسى بار.