الەكسەي سوي پرەزيدەنتتىڭ كەڭەسشىسى بولىپ تاعايىندالدى، - دەپ حابارلايدى aqshamnews.kz ءتىلشىسى.
"مەملەكەت باسشىسىنىڭ وكىمىمەن الەكسەي ۆلاديميروۆيچ سوي قازاقستان رەسپۋبليكاسى پرەزيدەنتىنىڭ الەۋمەتتىك ماسەلەلەر جونىندەگى كەڭەسشىسى لاۋازىمىنا تاعايىندالدى"، - دەپ جازىلعان حابارلامادا.
الەكسەي سوي تۋرالى نە بەلگىلى؟
الەكسەي سوي دەنساۋلىق ساقتاۋ ءمينيسترى قىزمەتىنە 2020 جىلعى 25 ماۋسىمدا تاعايىندالدى، ونىڭ الدىندا ەلجان ءبىرتانوۆ مينيستر بولعان.
الەكسەي ۆلاديميروۆيچ سوي 1977 جىلى 2 ساۋىردە شىمكەنت قالاسىندا دۇنيەگە كەلگەن.
قازاقستان مەملەكەتتىك مەديسينا اكادەمياسىنىڭ اسپيرانتۋراسىن، وڭتۇستىك قازاقستان مەملەكەتتىك مەديسينا اكادەمياسىن، "دانەكەر" حالىقارالىق قۇقىق جانە حالىقارالىق بيزنەس ينستيتۋتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىنىڭ كورپوراتيۆتىك باسقارۋ جوعارى مەكتەبىن ءتامامداعان.
1998-2001 جىلدارى "اسپان شىمكەنت" ج ش س باس بۋحگالتەرى، كوممەرسيالىق ديرەكتورى بولىپ قىزمەت ەتكەن.
2002-2004 جىلدارى - ۇلتتىق عىلىمي مەديسينا ورتالىعى جانە رەسپۋبليكالىق كلينيكالىق اۋرۋحانادا ەندوسكوپيست-دارىگەر.
2004-2007 جىلدارى - ۇلتتىق عىلىمي مەديسينا ورتالىعىندا ەندوسكوپيست-دارىگەر، اعا عىلىمي قىزمەتكەر.
2007-2010 جىلدارى - قازاقستان پرەزيدەنتى ءىس باسقارماسى مەديسينا ورتالىعىنىڭ زاماناۋي تەحنولوگيالاردى ەنگىزۋ ورتالىعى ديرەكتورىنىڭ مىندەتىن اتقارۋشى، ديرەكتورى.
2010-2011 جىلدارى - قازاقستان پرەزيدەنتى ءىس باسقارماسىنىڭ مەديسينا ورتالىعى باسشىسىنىڭ مىندەتىن اتقارۋشى، باسشىسى.
2011-2014 جىلدارى - استانا قالاسىنىڭ №1 قالالىق اۋرۋحاناسىنىڭ باس دارىگەرى.
2014-2017 جىلدارى - دەنساۋلىق ساقتاۋ جانە الەۋمەتتىك دامۋ ۆيسە-مينيسترى.
2017-2019 جىلدارى - دەنساۋلىق ساقتاۋ ۆيسە-مينيسترى.
2019 جىلدىڭ اقپانىنان باستاپ قازاقستان پرەزيدەنتى ءىس باسقارماسىنىڭ مەديسينا ورتالىعىن باسقاردى.
2020 جىلعى 22 ماۋسىمدا دەنساۋلىق ساقتاۋ ءبىرىنشى ۆيسە-مينيسترى بولىپ تاعايىندالدى.
2020 جىلعى 25 ماۋسىمدا قازاقستاننىڭ دەنساۋلىق ساقتاۋ ءمينيسترى بولدى.