ءقازىر ەلىمىزدە كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتالدى.
بۇگىن دەنساۋلىق ساقتاۋ ءمينيسترى الەكسەي سوي ۇكىمەت وتىرىسىندا قازاقستان رەسپۋبليكاسىنداعى ەپيدەميولوگيالىق جاعداي تۋرالى ايتتى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگى باسپا ءسوز قىزمەتىنە سىلتەمە جاساپ.
10 ماۋسىمداعى مالىمەت بويىنشا قر-دا 397 976 ناۋقاس Covid-19 جۇقتىرعانى انىقتالدى جانە 55 999 كۆي جاعدايى تىركەلگەن. وسى جىلدىڭ 6 ماۋسىمىنان باستاپ ەلىمىز جاسىل ايماققا اۋىستى. قىزىل ايماقتا نۇر-سۇلتان قالاسى قالدى. سارى ايماقتا 6 ءوڭىر بار: الماتى قالاسى، اتىراۋ، پاۆلودار، باتىس قازاقستان، اقمولا جانە قاراعاندى وبلىستارى. جاسىل ايماقتا 10 ءوڭىر تۇر.
جالپى، رەسپۋبليكا بويىنشا كوروناۆيرۋس ينفەكسياسىن جۇقتىرعاندار سانى ازايىپ كەلەدى.
«سوڭعى اپتادا كۆي انىقتالعاندار 11 مىڭنان 8 مىڭعا دەيىن نەمەسە وتكەن اپتامەن سالىستىرعاندا 1،3 ەسە ازايدى. مامىردان باستاپ اۋرۋ 2،1 ەسەگە تومەندەدى»، - دەدى الەكسەي سوي.
10 ماۋسىمداعى جاعداي بويىنشا رەسپۋبليكامىزداعى ينفەكسيالىق توسەكتەردىڭ 24%-ىندا، رەانيماسيالىق توسەكتەردىڭ 21%-ىندا ناۋقاس جاتىر.
وڭىرلەردە ينفەكسيالىق توسەكتەردىڭ، ونىڭ ىشىندە الماتى قالاسىندا - 4 ەسە، اقتوبە وبلىسىندا - 3 ەسە، الماتى وبلىسىندا - 2،5 ەسە، تۇركىستان، قىزىلوردا جانە جامبىل وبلىستارىندا - 2 ەسە ازايعانى بايقالادى.
سوڭعى ايدا ەمدەلىپ جاتقان ناۋقاستار سانى 20 مىڭعا نەمەسە 2 ەسەگە ازايدى. وڭىرلەردە كۆي جۇقتىرعاندار ءۇشىن قوسىمشا اشىلعان اۋرۋحانالار كەزەڭ-كەزەڭىمەن قىسقارتىلا باستادى. ماسەلەن، نۇر-سۇلتاندا 330 توسەكتىك 4 ستاسيونار، الماتىدا 2 مىڭعا جۋىق توسەكتىك 11 ستاسيونار جابىلدى.
سونىمەن قاتار، حالىقتى كۆي-گە قارسى ۆاكسيناسيالاۋ جالعاسۋدا.
«بۇگىنگى تاڭدا ۆاكسينانىڭ شامامەن 3،6 ملن دوزاسى پايدالانىلدى، ونىڭ ىشىندە 1 كومپونەنتپەن 2 371 178 ادام ەگىلدى، بۇل ءتيىستى حالىقتىڭ 24%-ىن قۇرايدى. ەكىنشى كومپونەنتپەن 1 264 247 ادام قامتىلدى. ەگۋ پۋنكتتەرىندە ۆاكسينا دوزالارىنىڭ سانى جەتكىلىكتى: ءبىرىنشى كومپونەنتتىڭ شامامەن 1،2 ملن دوزاسى جانە ەكىنشى كومپونەنتتىڭ 835 مىڭ دوزاسى بار. ۆاكسينانى جەتكىزۋ جالعاسۋدا. جەرگىلىكتى اتقارۋشى ورگاندار تۇرعىندار اراسىندا ۆاكسيناسيانى جانە ءاقپاراتتىق-تۇسىندىرۋ جۇمىستارىن جانداندىرۋى قاجەت»، - دەپ اتاپ ءوتتى دەنساۋلىق ساقتاۋ ءمينيسترى.
جالپى، قازىرگى ۋاقىتتا رەسپۋبليكادا كوروناۆيرۋس ينفەكسياسى بويىنشا ەپيدەميولوگيالىق جاعداي تۇراقتالدى. قازاقستان سارى ايماقتان جاسىل ايماققا اۋىستى، بولجام بويىنشا اۋرۋ وپتيميستىك سەنارييگە سايكەس وتۋدە.