جەتىسۋ وبلىسىندا الاكول كولى ماڭىندا جەر سىلكىنىسى بولدى، - دەپ حابارلايدى اqshamnews.kz ءتىلشىسى.
ەۋروپا-جەرورتا تەڭىزى سەيسمولوگيالىق ورتالىعى مالىمەتىنشە، 24 شىلدەدە استانا ۋاقىتىمەن ساعات 8:47-دە سارقان قالاسىنان سولتۇستىك-شىعىسقا قاراي 124 شاقىرىم جەردە ماگنيتۋداسى 3،8 بولاتىن جەر سىلكىنىسى تىركەلدى.
قازاقستاندىق دەرەكتەر ورتالىعىنىڭ جەدەل مالىمەتى بويىنشا، جەر سىلكىنىسى ءۇشارال قالاسىنان وڭتۇستىك-شىعىسقا قاراي 27 شاقىرىم جەردە بولعان. جەراستى دۇمپۋلەرىنىڭ ماگنيتۋداسى - 3،7.
ەسكە سالايىق، 23 شىلدەدە دە قازاقستاننىڭ شىعىسىندا جەر سىلكىنىسى بولدى. جەراستى دۇمپۋلەرى 4 بالل كۇشىندە بولىپ، اباي جانە شىعىس قازاقستان وبلىستارىنىڭ تۇرعىندارىنا سەزىلدى.