بۇل سايلاۋ - تەك اۋىلدىڭ عانا اكىمىن سايلاۋ ەمەس. قازاقستان ورتا ازيا ەلدەرىنىڭ ىشىندە تۇڭعىش رەت اكىمدەردى حالىق سايلايتىن دارەجەگە جەتىپ وتىر.
بۇل – ريەۆوليۋسيالىق ماڭىزى بار قادام. ساياسي مادەنيەتىن عانا وزگەرتىپ قويمايدى، جالپى، قوعام مەن بيلىكتىڭ اراسىن جاقىنداتىپ، بيلىكتىڭ تابيعاتىن، بولمىسىن وزگەرتەتىن دۇنيە دەپ ايتار ەدىم.
ءبىر عانا مىسال، ءبىر جارىم جىلدان كەيىن اۋدان اكىمدەرىن سايلاۋعا كىرىسەمىز. ال اۋدان اكىمدىگىنە كانديداتتار اۋىل اكىمدەرىنىڭ اراسىنان شىعادى. بولاشاقتا اۋدان اكىمدەرىن سايلاۋ وبلىس حالقىنىڭ اراسىندا سەنىم ماسەلەسىن تۋدىرادى. ەكىنشىدەن، ساياسي پارتيالاردىڭ تابيعاتىن وزگەرتەدى.
بۇگىندە پارتيالارىمىز ۇلكەن قالادان اسپايدى، ءارى كەتسە، وبلىس ورتالىعىنا عانا جەتكەن.
سايلاۋ ءجيى وتەتىن ەلگە اينالىپ كەلە جاتىرمىز. ءاربىر ساياسي پارتيا سايلاۋعا بەلسەندى قاتىسۋعا، ۇمىتكەر ۇسىنۋعا دايىن بولۋ كەرەك.