رەسەيلىك «روساتوم» كومپانياسى ەلدەگى العاشقى اتوم ەلەكتر ستانسياسىن سالۋ جوباسى بويىنشا حالىقارالىق كونسورسيۋمنىڭ كوشباسشىسى اتاندى.
ەكىنشى ورىنعا قىتايلىق «China National Nuclear Corporation» جايعاسسا، فرانسۋزدىق «Électricité de France» پەن كورەيالىق «Korea Hydro & Nuclear Power» ۇسىنىستارى ءۇشىنشى ورىندى يەلەندى، دەپ حابارلايدى aqshamnews.kz 24.kz-كە سىلتەمە جاساپ.
ءقازىر ەكسپورتتىق قارجى تارتۋ ماسەلەسى پىسىقتالۋدا. اشىق جانە باسەكەگە قابىلەتتى ديالوگ اياسىندا رەاكتورلىق تەحنولوگيالاردىڭ جەتەكشى الەمدىك وندىرۋشىلەرىمەن كەلىسسوزدەر جۇرگىزىلدى. اتالعان كومپانيالار ەلدە اەس سالۋ بويىنشا تەحنيكالىق جانە كوممەرسيالىق ۇسىنىستاردان تۇراتىن ماتەريالداردىڭ كەشەندى پاكەتىن ۇسىندى. مۇندا قۇرىلىستىڭ بولجامدى قۇنى، جوبانى ىسكە اسىرۋ مەرزىمى، جۇمسالاتىن قارجى مالىممەتتەرى قامتىلدى.
ەلدىڭ اتوم ەنەرگياسى اگەنتتىگى حالىقارالىق ساراپشىلاردىڭ قاتىسۋىمەن بارلىق ۇسىنىستارعا كەشەندى باعالاۋ جۇرگىزدى. ول اەس قاۋىپسىزدىگى، تەحنولوگيالىق جانە قارجىلىق اسپەكتىلەر، حالىقارالىق تاجىريبە، كادرلار دايارلىعى، جەرگىلىكتەندىرۋ دەڭگەيى جانە وزگە دە كورسەتكىشتەر بويىنشا جۇزەگە اسىرىلدى.