قازىرگى ۋاقىتتا Abai Uii 5 مەملەكەتتە رەسمي تۇردە اشىلىپ، جۇمىس ىستەپ جاتىر.
ەندى 2021 جىلدىڭ ەكىنشى جارتىجىلدىعىندا Abai Uii الەمنىڭ تاعى ءۇش ەلىندە، اتاپ ايتقاندا، موڭعوليا، رەسەي جانە قىرعىزستاندا اشۋ جوسپارلانعان. بۇل تۋرالى 2021 جىلعى 12 شىلدەدە نۇر-سۇلتاندا وتكەن «شەتەلدە تۇراتىن قانداستارمەن مادەني-گۋمانيتارلىق بايلانىستاردى نىعايتۋ تۋرالى» تاقىرىبىنداعى بريفينگكە قاتىسقان «وتانداستار قورى» كەاق ۆيسە-پرەزيدەنتى ماعاۋيا سارباسوۆ ايتتى، دەپ حابارلايدى Almaty-akshamy.kz.
بريفينگ بارىسىندا م.سارباسوۆ شەتەلدە تۇراتىن وتانداستارمەن مادەني-گۋمانيتارلىق بايلانىستاردى نىعايتۋعا باعىتتالعان جوبالار تۋرالى جانە ق ر اقدم مەن ق ر ءسىم قولداۋىمەن ىسكە قوسىلعان Abai Uii مادەني-ىسكەرلىك ۇيلەرىن دامىتۋ جوباسى ءساتتى جۇزەگە اسىرىلىپ جاتقاندىعى جونىندە ايتىپ بەردى.
«قازىرگى تاڭدا Abai Uii 5 مەملەكەتتە رەسمي تۇردە اشىلىپ، جۇمىس ىستەپ جاتىر. ەندى 2021 جىلدىڭ ەكىنشى جارتىجىلدىعىندا Abai Uii الەمنىڭ تاعى ءۇش ەلىندە، اتاپ ايتقاندا، موڭعوليا، رەسەي جانە قىرعىزستاندا اشۋ جوسپارلانعان. وسى ورايدا قوعام شەتەلدەگى قانداستاردى قولداۋ شارالارىن بارلىق ەتنيكالىق قازاقتارعا قاتىستى جۇزەگە اسىرىپ كەلەدى. ءقازىر الەمدە 250-گە جۋىق قازاق مادەني ورتالىقتارى بار. بۇگىندە «وتانداستار قورى» كەاق مادەني-گۋمانيتارلىق شارالار ۇيىمداستىرۋ ماقساتىندا 71 قازاق مادەني ورتالىعىمەن ءوزارا ىنتىماقتاستىق تۋرالى مەموراندۋمعا قول قويدى»، - دەدى ماعاۋيا سارباسوۆ.
سونىمەن قاتار، «وتانداستار قورى» كەاق ۆيسە-پرەزيدەنتىنىڭ ايتۋىنشا، شەتەلدە تۇراتىن قازاقتار ءۇشىن قازاق ءتىلىن ۇيرەتۋ بويىنشا 31 ونلاين-سىنىپ اشىلىپ، ونىڭ اياسىندا 1163 ادام وقىتىلعان. اتالمىش كۋرس شەڭبەرىندە 333 تەگىن ونلاين-ساباق وتكىزىلىپ، 400-گە جۋىق قانداس سەرتيفيكاتتارعا يە بولدى. ال، 2021 جىلى 440 ونلاين ساباق وتكىزىلىپ، 900 ادام ءوز بىلىمدەرىن ارتتىردى.
سونداي-اق قانداستاردىڭ ەلىمىزدەگى جوعارى وقۋ ورىندارعا جانە كوللەدجدەرگە تۇسۋىنە مۇمكىندىكتەر جاسالعانىن اتاپ وتكەن ءجون. ول تۋرالى شەتەلدەگى وتانداستارىمىز كەڭىنەن حاباردار.