دۇكەننەن 7 دانا تەلەفون ۇرلاپ كەتكەن قىزىلوردالىق ايەل انىقتالدى
20 قازاندا قىزىلوردا قالاسى پوليسيا باسقارماسىنىڭ كەزەكشى بولىمىنە وبلىس ورتالىعىنىڭ تۇرعىنىنان ارىز ءتۇستى. بەلگىلى بولعانداي، 19 قازان كۇنى قالا ورتالىعىنداعى ورنالاسقان دۇكەندەردىڭ بىرىندە 7 دانا ۇيالى تەلەفون ۇرلاپ كەتكەن، دەپ حابارلايدى اlmaty-akshamy.kz
ارىز يەسىنە كەلتىرىلگەن شىعىن كولەمى 3 ميلليون تەڭگەنى قۇرايدى. ورىن العان ۇرلىققا قاتىستى جۇرگىزىلگەن جەدەل ىزدەستىرۋ ءىس-شارالارى ناتيجەسىندە قىزىلوردا قالالىق پوليسيا باسقارماسىنىڭ قىزمەتكەرلەرى تاۋلىك ىشىندە ۇرلىقتى اشىپ، كۇدىكتىنى ۇستادى. ول 34 جاستاعى قالا تۇرعىنى بولىپ شىقتى. ايعاقتى زاتتار تاركىلەنىپ الىندى.
اتالعان ءىس بويىنشا قازاقستان رەسپۋبليكاسىنىڭ قىلمىستىق كودەكسىنىڭ 188-بابى 3-بولىگى (تۇرعىن، قىزمەتتiك نەمەسە ءوندiرiستiك ءۇي-جايعا، قويماعا نە كولىك قۇرالىنا زاڭسىز كiرۋمەن جاسالعان ۇرلىق) بويىنشا سوتقا دەيىنگى تەرگەپ-تەكسەرۋ امالدارى جۇرگىزىلۋدە. پوليسەيلەر ۇستالعان ازاماتشانىڭ وسىعان ۇقساس باسقا قىلمىستارعا قاتىسى بارىن انىقتاۋدا. ەگەر كۇدىكتىنىڭ كىناسى دالەلدەنسە، سوت شەشىمىمەن مۇلكi تاركiلەنىپ، ەكى جىلدان جەتi جىلعا دەيiنگi مەرزiمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانۋى مۇمكىن.