"قازگيدرومەت" سينوپتيكتەرى 15، 16 جانە 17 شىلدەگە ارنالعان اۋا رايى بولجامىن ۇسىندى، - دەپ حابارلايدى اqshamnews.kz.
نايزاعاي سوعىپ، جاڭبىر جاۋادى
قازاقستان اۋماعىنىڭ باسىم بولىگىندە اتموسفەرالىق فرونتتاردىڭ وتۋىنە بايلانىستى جاڭبىر جاۋىپ، نايزاعاي سوعادى دەپ كۇتىلەدى. 16 شىلدەدە ەلىمىزدىڭ باتىسى مەن سولتۇستىگىندە، 17 شىلدەدە سولتۇستىك-باتىس پەن سولتۇستىكتە نوسەر جاۋىپ، بۇرشاق پەن داۋىل بولۋى ىقتيمال. تەك وڭتۇستىكتە اۋا رايى ىستىق ءارى جاۋىن-شاشىنسىز بولادى. ەل اۋماعىندا جەل كۇشەيەدى، ال سولتۇستىك-باتىستا تۇندە جانە تاڭەرتەڭ تۇمان تۇسەدى.
تەمپەراتۋرا قانداي بولادى؟
16-17 شىلدە كۇندەرى رەسپۋبليكانىڭ وڭتۇستىك-باتىسىندا اپتاپ - 39-44 گرادۋس كۇتىلەدى. 17 شىلدەدە ەلىمىزدىڭ ورتالىعىندا دا 40 گرادۋسقا دەيىن وتە ىستىق بولادى. وڭتۇستىكتە 40-44 گرادۋس، وڭتۇستىك-شىعىستا 40-42 گرادۋس ىستىق بولادى. سولتۇستىك وڭىرلەردە 30-35 گرادۋس، ال شىعىستا 35-38 گرادۋس ارالىعىندا اپتاپ ىستىق بولادى.
شىلدەدە اۋا رايى قانداي بولادى؟
بۇعان دەيىن سينوپتيكتەر 2025 جىلعى شىلدەگە ارنالعان اۋا رايى بولجامىن جاريالاعان. بولجامعا سايكەس، شىلدەدە ەلىمىزدىڭ كوپ بولىگىندە تۇراقسىز اۋا رايى ساقتالادى. جاڭبىر، كەي جەرلەردە نوسەر تۇرىندە، نايزاعايمەن، بۇرشاقپەن جانە ەكپىندى جەلمەن بىرگە جۇرەدى.
وڭتۇستىك وڭىرلەردە قاتتى جانە وتە قاتتى ىستىق بولادى. كەي اۋدانداردا شاڭدى داۋىل بولۋى مۇمكىن. بۇل ايماقتاردا ءورت ءقاۋپى وتە جوعارى دەڭگەيدە ساقتالادى.