ۇكىمەت حالىقتىڭ تابىسىن ارتتىرۋدىڭ 2025 جىلعا دەيىنگى باعدارلاماسىن ىسكە اسىرۋدى جالعاستىرادى.
ۇكىمەتتىڭ باسپا ءسوز قىزمەتى 2023 جىلى اتقارىلاتىن جۇمىستاردىڭ جوسپارىن جاريالادى، دەپ حابارلايدى اlmaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
زەينەتاقى مەن جاردەماقىنىڭ جانە ەڭ تومەنگى جالاقىنىڭ ارتۋى، ەڭ تومەنگى كۇنكورىس دەڭگەيىنىڭ ءوسۋى، «جايلى مەكتەپ» جانە «اۋىلدىق دەنساۋلىق ساقتاۋدى جاڭعىرتۋ» ۇلتتىق جوبالارىن جۇزەگە اسىرۋ، جاڭا دامۋ باعدارلامالارىن، 5G بايلانىس جەلىلەرىن ىسكە قوسۋ، سونداي-اق شاعىن قالالار مەن اۋىلداردا ينتەرنەت ساپاسىن ارتتىرۋ – مەملەكەت باسشىسىنىڭ تاپسىرماسى بويىنشا ۇكىمەت ىسكە اسىرىپ جاتقان وسى جانە باسقا دا وزگەرىستەر مەن باستامالار بيىل قازاقستاندىقتاردىڭ تۇرمىس ساپاسىن جاقسارتۋعا يگى اسەرىن تيگىزەتىن بولادى.
2023 جىلعى 1 قاڭتاردان باستاپ رەسپۋبليكادا ەڭ تومەنگى جالاقى مولشەرى (ەتج) 60 000 تەڭگەدەن 70 000 تەڭگەگە دەيىن ۇلعايتىلدى. ەڭبەك كودەكسى بويىنشا جۇمىس بەرۋشىلەر ەتج-دان تومەن ەمەس دەڭگەيدە جالاقىمەن قامتاماسىز ەتۋگە مىندەتتى ەكەنىن ەسكەرسەك، بارلىق سالالاردا ءارتۇرلى مەنشىك نىسانىنداعى كاسىپورىنداردا جۇمىس ىستەيتىن 1،8 ملن-عا جۋىق جالدامالى قىزمەتكەردىڭ اقشالاي كىرىسى وسەدى.
ۇكىمەت دارىگەرلەردىڭ، مۇعالىمدەردىڭ، بيۋدجەت سالاسىنىڭ باسقا دا قىزمەتكەرلەرىنىڭ جانە وندىرىستىك پەرسونالدىڭ جالاقىسىن كەزەڭ-كەزەڭمەن ۇلعايتۋدى كوزدەيتىن حالىقتىڭ تابىسىن ارتتىرۋدىڭ 2025 جىلعا دەيىنگى باعدارلاماسىن ىسكە اسىرۋدى جالعاستىرادى.