2025 جىلدىڭ 20 ساۋىرىندە الماتىدا Almaty Half Marathon جارتىلاي مارافونى وتەدى. بيىل بۇل جارىسقا الەمنىڭ 40-تان استام ەلىنەن 10 مىڭ ادام قاتىسادى. بۇل قالادا وتەتىن سەگىزىنشى جارتىلاي مارافون، دەپ حابارلايدى aqshamnews.kz
جارىس اياسىندا ءداستۇرلى قاشىقتىق قامتىلادى: 21،1 كم (جارتىلاي مارافون)، 10 كم، 10 كم (سكانديناۆيالىق ءجۇرىس) جانە كوماندالىق ەستافەتا.
20 ءساۋىر كۇنى ساعات 07:00-دەن 11:00-گە دەيىن مارافون باعىتى وتەتىن جول ۋچاسكەلەرىندە كولىك قوزعالىسى ءىشىنارا شەكتەلەدى.
جارىس تاڭعى 07:00-دە تۇڭعىش پرەزيدەنت ساياباعىنان باستالادى.
* ءال-فارابي داڭعىلىنىڭ سولتۇستىك بولىگى مۇستافين كوشەسىنەن ناۋاي كوشەسىنە دەيىن 20 ءساۋىر كۇنى ساعات 00:00-دەن 11:00-گە دەيىن جابىق بولادى. وڭتۇستىك بولىك اشىق بولادى.
* مۇستافين كوشەسىنەن نازاربايەۆ داڭعىلىنا دەيىنگى ءال-فارابي داڭعىلىنىڭ سولتۇستىك بولىگى ساعات 06:45-تەن 09:30-عا دەيىن جابىلادى. وڭتۇستىك بولىك اشىق.
* سەيفۋللين داڭعىلىنىڭ ءال-فارابي مەن اباي ارالىعى ساعات 07:10-دان 08:30-عا دەيىن تولىق جابىلادى.
* اباي داڭعىلىنىڭ وڭتۇستىك بولىگى ساين كوشەسىنەن بايتۇرسىنوۆ كوشەسىنە دەيىن 08:30-دان 11:00-گە دەيىن جابىق بولادى. سولتۇستىك بولىك اشىق.
* اباي داڭعىلىنىڭ وڭتۇستىك بولىگى سەيفۋلليننەن بايتۇرسىنوۆقا دەيىن 07:20-دان 09:00-گە دەيىن جابىلادى. سولتۇستىك بولىك قوزعالىسقا اشىق.
* ساين كوشەسىنىڭ شىعىس بولىگى ءال-فارابي مەن اباي ارالىعىندا 08:20-دان 10:00-گە دەيىن جابىلادى. باتىس بولىك اشىق بولادى.
جولداردىڭ جۇكتەمەسى مەن جابىلۋىنا بايلانىستى تۇڭعىش پرەزيدەنت ساياباعىنا دەيىن ءال-فارابي – مۇستافين قيىلىسىنا دەيىن قوعامدىق كولىكپەن جەتۋ ۇسىنىلادى. سورە (تۇڭعىش پرەزيدەنت ساياباعى) جانە مارە (ورتالىق ستاديون) ماڭىنداعى اۆتوتۇراقتار قولجەتىمسىز بولادى.