ىشكى ىستەر ءمينيسترى ەرلان تۇرعىمبايەۆ ەلدەگى رەسەيلىك كولىك يەلەرىنىڭ نارازىلىعىنا جاۋاپ بەردى دەپ حابارلايدى almaty-akshamy.kz
بۇگىنگى كۇنى رەسەيلىك كولىكتەر كولىك تۇراعىنا قويىلعان.
قازاقستاندا 80 مىڭعا جۋىق رەسەيلىك كولىك بار. بۇل كولىكتىڭ بارلىعى رەسەيدەن تىركەۋدەن شىققان. ال ءبىزدىڭ ازاماتتار وسى اۆتوكولىكتەردى ساتىپ العان. ەندى ونى ساتىپ العاننان كەيىن قازاقستاننىڭ زاڭى بويىنشا اۆتوكولىكتەردى ازامات 10 كۇننىڭ ىشىندە ءوز اتىنا تىركەۋى كەرەك. ءبىراق بۇل كولىكتەر رەسەيدەن تىركەۋدەن شىقسا دا، قازاقستاندا تىركەلمەگەن، – دەپ ايتتى مينيستر.
ونىڭ سوزىنشە، بۇل كولىكتەر ەشقانداي كامەرادا دا، ەسەپتە دە جوق.
بۇگىنگى تاڭدا 1 مىڭعا جۋىق وسى كولىكتەردىڭ (رەسەيلىك – رەد.) قاتىسۋىمەن جول-كولىك وقيعاسى بولعان. 250 ادام قايتىس بولدى، 1،5 مىڭ ادام جاراقات بولدى، – دەپ ايتتى تۇرعىمبايەۆ.
ءىىم باسشىسىنىڭ سوزىنشە، ەل ازاماتتارى رەسەيلىك كولىكتەرىن ءوز اتتارىنا تىركەسە ماسەلە شەشىلەدى.
بۇل تەحنيكالىق تەكسەرىستەن ءوتۋ ءۇشىن قاجەت شارا. بۇگىنگى كۇنى ەلدەگى رەسەيلىك 80 مىڭ كولىكتىڭ بىرەۋى دە قازاقستان تەرريتورياسىندا تەحنيكالىق تەكسەرۋدەن وتپەگەن. تەحنيكالىق جاعدايى جايىندا ەشكىم بىلمەيدى. سوندىقتان قازىرگى كۇنى الدىن الۋ شارالارى جۇرگىزىلىپ، ازاماتتارعا ءتۇسىندىرۋ جۇمىستارى جۇرگىزىلىپ جاتىر، – دەپ ءتۇسىندىردى ۆەدومستۆو باسشىسى ءماجىلىستىڭ كۋلۋارىندا.