Tūrǵyn úı depozıtí bar qazaqstandyqtardyń shotyna 1 nauryzǵa deıín memlekettík syılyqaqy túsedí. Onyń eń joǵarǵy mólsherí bıyl – 157 280 teńge, bíraq syılyqaqy sońǵy bír jylda qajettí somany jınaǵandarǵa ǵana beríledí.
Qazaqstanda tūrǵyn úı qūrylys jınaq júıesí jūmys ísteıdí. Qazírgí uaqytta būl júıege tek "Otbasy bank" qatysady, bíraq jaqyn arada basqa ekínshí deńgeılí bankterde de íske qosylady dep kútílude.
Tūrǵyn úı depozıtteríníń erekshelígí – bank syıaqysynan bólek, jylyna bír ret memlekettík syılyqaqy tólenedí. "Krysha" portalynyń málímetínshe, bıyl tólem 1 nauryzǵa deıín túsedí.
2026 jyly syılyqaqynyń mólsherí qandaı?
Memlekettík syılyqaqy 2025 jyly tūrǵyn úı depozıtín ashqan qazaqstandyqtarǵa beríledí. Eń joǵary soma jyl boıy depozıtín 200 aılyq eseptík kórsetkíshke deıín tolyqtyrǵan salymshylarǵa tólenedí.
Nauryzda audarylatyn eń joǵary syılyqaqy mólsherí – 157 280 teńge. Būl somany alu úshín qazaqstandyqtar byltyr kemínde 786 400 teńge nemese 200 aılyq eseptík kórsetkíshke teń (2025 jyly bír aılyq eseptík kórsetkísh 3 932 teńge bolǵan) salym jınauy kerek edí.
Mańyzdy:
byltyr depozıtíńízdí 200 AEK-ten joǵary somamen tolyqtyrǵan bolsańyz, artyq somaǵa syılyqaqy berílmeıdí;
200 AEK-ten az jınaǵan bolsańyz, bír jyl íshínde jınaqtaǵan somańyzyńdyń 20 paıyzy beríledí;
eger depozıt bír jyl íshínde tolyqtyrylmasa, memlekettík syılyqaqy berílmeıdí;
eger salymshynyń bírneshe depozıtí bolsa, memlekettík syılyqaqy tek bíreuíne ǵana beríledí.
Aıta keterlígí, būl yntalandyru mehanızmí tek "Otbasy bankte" saqtalǵan tūrǵyn úı depozıtteríne ǵana qatysty.
