Sońǵy bír jylda ūlttyq sportpen aınalysatyn sportshylardyń sany da edáuír ósíp, respublıkalyq jáne halyqaralyq jarysta alǵan medal sany da ekí ese artypty, – dep habarlaıdy aqshamnews.kz tílshísí.
Almatyda ūlttyq jáne at sporty jaqsy damyp keledí. Qalanyń sportshylary teńge íluden ótetín aldaǵy Álem chempıonatyna dayarlyq jasap jatyr.Óńírlík kommunıkatsıyalar qyzmetíníń alańynda ótken brıfıng barysynda Almaty qalasynyń ūlttyq jáne at sporty túrlerí klubynyń jetekshísí Nūrlan Ospanov osylaı dep málímdedí.
Nūrlan Ospanovtyń aıtuynsha, ūlttyq jáne at sporty túrleríníń kluby 2024 jyly qūrylyp, byltyrǵy mausym aıynan bastap Almatyda ūlttyq sport túrín damytu baǵytynda bíraz jūmysty qolǵa alǵan eken. Qazírgí tańda klubta kókpar, teńge ílu, audaryspaq, jamby atu, qazaq kúresí, toǵyzqūmalaq, asyq atu men sporttyń basqa da 11 túrín bírge damytyp jatyr.
Qazír klubtyń qūramynda 1233 sportshy bar. Oqu-jattyǵu protsesí 64 jattyqtyrushynyń jetekshílígímen 115 topta júrgízíledí. Salystyrmaly túrde aıtsaq, 2025 jyldyń sońynda klubta 1217 sportshy bolǵan. Osylaısha, sportpen shūǵyldanatyndar sany kóbeıíp jatyr eken.
Joǵary deńgeıdegí sportshylardy dayarlauǵa erekshe kóńíl bólíngen. Qazaqstan ūlttyq qūramasyna Almatydan 47 sportshy engen. Būl ótken jylmen salystyrǵanda 20,5%-ǵa kóp eken ekenín aıtady mamandar.
«Bízdíń maqsatymyz Almatyda ūlttyq sport túrlerín damytyp qana qoımaı, halyqaralyq arenada Qazaqstannyń namysyn laıyqty qorǵaı alatyn básekege qabílettí sportshylardy dayarlau», – deıdí Nūrlan Ospanov.
Byltyr klub sportshylary túrlí deńgeıdegí jarysta 177 medal jeńíp aldy. Eń mańyzdy jetístíktíń qatarynda toǵyzqūmalaqtan álem jáne Azıya chempıonatynyń medaldary, Azıya mene álem kubogyndaǵy júldelí oryn, sondaı-aq Qazaqstan chempıonat men kuboktarda tabysty óner kórsetkení taǵy bar. 2024 jylmen salystyrǵanda júlde sany shamamen 2,4 esege artqan.
Sonymen qatar sporttyq bílíktílík deńgeıí de edáuír óstí. Bír jyl íshínde 11 sportshy Qazaqstan Respublıkasynyń sport sheberí normatıvín oryndasa, taǵy 49 sportshy sport sheberlígíne kandıdat atandy.
Brıfıngke sondaı-aq «Teńge ílu» respublıkalyq federatsıyasynyń dırektory Aıbek Túrkebaı qatysyp, ūlttyq at sportynyń damuy men aldaǵy Álem chempıonatyna daıyndyq máselesíne toqtaldy. Onyń aıtuynsha, būl sportqa jastar men kórermenníń qyzyǵushylyǵy artypty.
«Teńge ílu – tek kórermenge tartymdy ūlttyq sport qana emes, būl qazaq halqynyń mádenı mūrasynyń bír bólígí de. Búgínde jastar tarapynan qyzyǵushylyqtyń joǵary ekenín kóríp otyrmyz. Būl sport túríníń árí qaraı damuyna úlken serpín beredí», – deıdí federatsıya dırektory.
Kásíbı sportshylardy dayarlaumen qatar, klub ūlttyq sport túrlerín halyq arasynda keńínen nasıhattaumen de aınalysady. Ótken jyly halyqaralyq delegatsıyalar úshín sheberlík sabaqtary, ashyq turnırler, spartakıadalar men jastar arasyndaǵy jarystardy qosa alǵanda, shamamen 40 būqaralyq ís-shara ótkízíldí. Onyń árqaısysyna 100-den 200-ge deıín adam qatysqan.
Klub ókílderí jyl sońyna deıín sportshylar sany, sporttyq razryadtar men halyqaralyq jetístíkter kórsetkíshí odan árí ósíp, Almaty ūlttyq sportty damytatyn ortalyqtyń bírí retíndegí mártebesín saqtap qalady dep senedí.
Álem Chempıonaty 13-15 mamyr aralyǵynda Túrkístan qalasynda ótedí.