Qazaq memlekettík tsırkíníń artısterí II Halyqaralyq jastar tsırk ónerí «Jíbek joly» festıvalínde joǵary nátıje kórsetíp, altyn jáne kúmís júldení qanjyǵasyna baılady.
Tashkent qalasynda Ózbektsırk ūıymdastyrǵan būl bedeldí óner merekesí jas daryndardy bír sahnada toǵystyryp, kásíbı sheberlík pen shyǵarmashylyq ízdenístíń alańyna aınaldy.
Festıval kórermenderíníń erekshe yqylasyna bólengen «Áue sferasy» atty «jūptyq saqına» janryndaǵy nómírdí tsırk áuletíníń laıyqty jalǵastyrushysy Jasmın Alshynbaeva men Avelına Guzeı jetekshílerí Zarına Tapalovanyń basshylyǵymen ūsyndy. Artısterdíń mínsíz úılesímí, plastıkasy men emotsıyalyq áserí joǵary baǵalanyp, olarǵa altyn júlde tabystaldy.
Almaty tsırkíníń artısí Álı Salavatov (jetekshísí - Ravıl Seıdgarıev) «Edende doppen jonglerlík» nómírín joǵary deńgeıde oryndap, kórermen men qazylar alqasynyń yqylasyna bóleníp, kúmís júldege ıe boldy.
Almatylyq ónerpazdardyń būl tabysy qazaqstandyq tsırk mektebíníń bıík deńgeıín taǵy bír márte dáleldedí. Kóp jyldan berí kásíbı sheberlerdí tárbıelep kele jatqan ūlttyq tsırk ónerí halyqaralyq sahnalarda el abyroıyn asqaqtatyp keledí.
Festıval ayasynda mádenı yntymaqtastyqty damytu jolynda mańyzdy qadam jasaldy: Qazaq memlekettík tsırkí men Ózbek memlekettík tsırkí arasynda ózara áríptestík jóníndegí memorandumǵa qol qoıyldy. Qūjat bírlesken jobalardy júzege asyrudy, artıster almasudy, jańa qoıylymdar ázírleudí jáne halyqaralyq baǵdarlamalarǵa qatysudy kózdeıdí.
Festıvaldegí jarqyn jeńíster men qol qoıylǵan memorandum Qazaqstan men Ózbekstan arasyndaǵy shyǵarmashylyq baılanysty nyǵaıtyp, Almaty tsırkíníń halyqaralyq deńgeıdegí bedelín taǵy da aıqyndaı tústí.
