Shymkent qalasynda qyzdy óltirip jáne onyń múlkin urlaǵany úshin kámeletke tolmaǵan jasóspirim 7 jyl 6 aıǵa bas bostandyǵynan aıyryldy, dep habarlaıdy Aqshamnews.kz tilshisi.
Baspasóz qyzmetiniń, málimetinshe, qylmystyq is Shymkenttiń qylmystyq ister jónindegi mamandandyrylǵan aýdanaralyq sotynda jabyq túrde qaralǵan. Tergeý materıaldaryna sáıkes, shilde aıynda jasóspirim Telegram arqyly úı jınaýǵa kómekshi izdeıtin habarlandyrý jarıalaǵan. Jábirlenýshi sol kúni kelip, tazalyq jumystaryn oryndaǵannan keıin kelisilgen tólemin talap etken. Aqsha tóleýden bas tartqan aıyptalýshy qyzdy óltirip, onyń mobıldi telefonyn alyp ketken.
Sot jasóspirimniń kinásin Qylmystyq kodekstiń 99-baby (kisi óltirý) jáne 188-baby (urlyq) boıynsha tolyq dáleldengen dep tanydy. Al 314-bap (máıitti qorlaý) boıynsha aıyby dáleldenbegendikten, ol bul baptan aqtaldy.
Jaza taǵaıyndaý kezinde sot onyń kámeletke tolmaǵanyn jáne istegen isine ókinish bildirgenin eskerip, jeńildetetin mán-jaı retinde qarastyrdy. Aýyrlatatyn jaǵdaılar anyqtalmaǵan.
Aıyptalýshy jazasyn kámeletke tolmaǵandarǵa arnalǵan orta qaýipsizdik deńgeıindegi ÝIS mekemesinde óteıtin bolady. Úkim áli zańdy kúshine engen joq.