Bıyl 18-22 qarasha aralyǵynda Astana qalasynda ótken "Shabyt" shyǵarmashyl jastardyń HHVIİİ Halyqaralyq baıqaýy óz máresine jetti. Bıylǵy baıqaýǵa Qazaqstannyń barlyq óńirinen, sondaı-aq alys-jaqyn shetelderden kelgen 800-den asa jas talant qatysyp, shyǵarmashylyqtyń túrli baǵyttary boıynsha baq synady.
Baıqaý - daryndy jastardy qoldaýdy, olardyń kásibı damýyna jaǵdaı jasaýdy, halyqaralyq mádenı baılanystardy keńeıtýdi maqsat etetin elimizdegi eń iri shyǵarmashylyq joba. "Shabyt" jyl saıyn jańa esimder ashyp, óner álemine jańa serpin beredi. Baıqaýynyń halyqaralyq qazylar alqasyna Qytaı, Reseı, Túrkıa, Italıa, Qyrǵyzstan jáne Ózbekstan elderiniń tanymal mýzykanttary, óner qaıratkerleri men salalyq sarapshylary endi.
Festıvál barysynda qatysýshylar baıqaý kezeńderine qatysty, tájirıbeli sheteldik jáne otandyq mamandardan dáris aldy, shyǵarmashylyq laboratorıalarda jumys istedi, qala turǵyndary men qonaqtaryna arnalǵan konserttik baǵdarlamalarǵa qatysty.
2025 jyly "Shabyt" baıqaýy aıasynda qatysýshylar úshin arnaıy bilim berý baǵdarlamasy uıymdastyryldy. Aptanyń ishinde jas ónerpazdar belgili kompozıtorlar men oryndaýshylardyń mýzykalyq sheberlik sabaqtaryna, teatr jáne kıno salasynyń kásibı rejıserleriniń akterlik sheberlik trenıńterine, kórkemóner mamandarynyń shyǵarmashylyq zerthanalaryna qatysyp, óz daǵdylaryn jetildirdi.
Bul format jas daryndarǵa tanymal tulǵalardan tikeleı keńes alyp, qabiletterin shyńdaýǵa úlken múmkindik berdi.
"Shabyt" - 2025 jeńimpazdary:
Kamerlyq hor
Gran prı: Tatarstan Respýblıkasy Memlekettik kameralyq hory
I oryn: Ǵ. Jubanova atyndaǵy Aqtóbe oblystyq fılarmonıasynyń qazaq kameralyq hory
II oryn: Kúlásh Baıseıitova atyndaǵy Qazaq ulttyq óner ýnıversıtetiniń "Aralas hory"
III oryn: "Alataý" jastar hory
Hor dırıjeri
Gran prı - Mýsın Daýren
İ oryn - Sansyzbaı Erjan
İİ oryn - Esimhanov Almat
İİİ oryn- Djan Djıan
Akademıalyq án jáne konsertmeısterlik sheberlik
Gran-Prı – Rahmetova Fırýza, Shynbolat Aıajan
İ oryn – Alamanova Láıla, Abdrahmanova Dınara
İİ oryn – Samatqyzy Nursezim, Omargazın Nursultan
İİİ oryn – Erbolatuly Bekulan, Ýltarakov Dosym
Kamerlyq mýzyka
Gran-Prı – Alǵı Aqbıke, Ýzbekov Ilás
İ oryn – Jakparova Alıa, Bolatova Janıa
İİ oryn – Akbergenov Nýrken, Babaev Dıar
İİİ oryn – Nýrjıgıtova Asá, Ǵabbasova Aııa, Abdrahmanova Janar, Djýmatov Nýrıslambek
Fólklorlyq ansámbl
Gran-Prı – "Tarlan" etno ansambli
İ oryn – "Túrkistan" ansambli
İİ oryn – "Dostyq sazy" fólklorlyq ansambli
İİİ oryn – "Tartý" fólklorlyq ansambli
Estradalyq vokal
Gran-Prı – Trıo Moonaisun
I oryn: Trıo MIYA3
II oryn: Trıo Altyn ún
III oryn: Trıo Estrada
Beıneleý óneri
I oryn: Jýrgenov Alısher
II oryn: Aıtýarova Lúdmıla
III oryn: Kýsherova Rystygýl
Poezıa
Gran prı Dáýren Tileýhan
İ oryn Orazaı Jeńisuly, Dildá Ýálıbekova
İİ oryn Elaman Qabdiláshim, Shapaǵat Ábdir
İİİ oryn Aızada Rahymjanova, Serǵazy Qaıyrboldy
Kreatıvti baǵyt
Gran prı Qamza Bókeıhan
I oryn: Pıvtorak Nıkıta, Mýsına Madına
II oryn: Ergalı Alıa
III oryn: Ospanova Karına, Kýlýshpaeva Aıdana, Ahmetǵalı Aqnur
Syıaqy qory:
Gran-prı — 3 000 000 tg
I oryn — 1 000 000 tg
II oryn — 750 000 tg
III oryn — 500 000 tg
Baıqaýdyń mańyzdylyǵy. "Shabyt" 30 jylǵa jýyq ýaqyt aralyǵynda myńdaǵan jas shyǵarmashyl tulǵalardyń qalyptasýyna yqpal etti. Olardyń kópshiligi búginde elimizdiń mádenıet jáne óner salasynyń jetekshi ókilderine, halyqaralyq sahnalardyń laýreattaryna, kontent ındýstrıasynyń kásibı mamandaryna aınaldy.
2025 jylǵy festıvál shyǵarmashylyqtyń san alýandyǵyn, jas talanttardyń shynaıy áleýetin taǵy bir dáleldedi.