Qazaqstanda eski banknottar jańa úlgidegi kýpúralarǵa aýystyrylyp jatyr. Qazaqstan Ulttyq banki 1000, 2000, 5000 jáne 10 000 teńgelik eski banknottardyń paralel aınalymnan shyǵatyn merzimderin jarıalady, - dep habarlaıdy Aqshamnews.kz tilshisi.
Ulttyq bankte búgingi tańda aınalymda 1000, 2000 jáne 10 000 teńgelik jańa úlgidegi banknottar bar ekenin eske saldy. Eski kýpúralar úshin paralel aınalymdy toqtatý merzimderi:
-
2000 teńgelik banknottar — 2026 jylǵy 24 maýsymǵa deıin;
-
10 000 teńgelik banknottar — 2026 jylǵy 27 maýsymǵa deıin;
-
1000 teńgelik banknottar — 2027 jylǵy 27 naýryzǵa deıin.
Buǵan qosa, Ulttyq bank 2025 jylǵy 24 qyrkúıekten bastap 2011 jylǵy úlgidegi 5000 teńgelik banknottardyń paralel aınalymy toqtatylatynyn eske saldy.
"Paralel aınalym kezeńi aıaqtalǵannan keıin, ıaǵnı 2025 jylǵy 25 qyrkúıekten bastap barlyq bankter men "Qazposhta" eski úlgidegi banknottardy jańa úlgidegilerine 3 jyl boıy aıyrbastaıdy, al Ulttyq banktiń fılıaldary olardy merzimsiz qabyldaıdy", - dep naqtylady Ulttyq bank.