Qazaqstandaǵy jūmyspen qamtylǵan jáne jūmyssyz adamdar sany jarıyalandy, dep habarlaıdy aqshamnews.kz
Qazaqstannyń Strategıyalyq josparlau jáne reformalar agenttígíne qarasty Ūlttyq statıstıka byurosy 2026 jylǵy 13 aqpanda ótken jylǵa arnalǵan eńbek naryǵy jaǵdaıyn jarıyalady.
2025 jylǵy IV toqsanda halyqtyń jūmyspen qamtyluyn tańdauly zertteu derekterí boıynsha respublıkada 9 278 900 adam ártúrlí salalarda jūmys ístegen, olardyń íshínde:
7 142,1 myńy (jūmyspen qamtylǵandardyń jalpy sanynan 77%) jaldamaly qyzmetker
2 136,8 myń adam (jūmyspen qamtylǵandardyń jalpy sanynan 23%) – ózín-ózí jūmyspen qamtyǵandar.
15 jáne odan joǵary jastaǵy halyqqa shaqqandaǵy jūmyspen qamtu deńgeıí 64,6% qūrady.
2024 jyldyń sáıkes toqsanymen salystyrǵanda jalpy jūmyspen qamtylǵandar sany 81,9 myń adamǵa, negízínen jaldamaly qyzmetkerler esebínen ósken.
Jūmyspen qamtylǵandardyń eń kóp úlesí sauda (17%), bílím beru (13,2%), ónerkásíp (12,5%) jáne auyl sharuashylyǵy (10,3%) salalarynda baıqaldy.
IV toqsanda Qazaqstandaǵy Halyqaralyq eńbek ūıymynyń ádístemesí boıynsha eseptelgen (tabysty kásíbí (jūmysy) bolmaǵan, ony belsendí ízdegen jáne jūmysqa kírísuge daıyn) jūmyssyzdyq deńgeıí 4,6% qūrady.
Jūmys ístemeıtín jáne bílím alumen nemese oqyumen aınalyspaıtyn NEET jastarynyń úlesí 5,8% bolsa, 15-34 jastaǵy jastar arasyndaǵy jūmyssyzdyq deńgeıí 3,1% qūrady.
